15ngut ki thei ïalehkai kriket jied ka MCA ban leit aireng ha ka BCCI U-19 Women’s T20 Trophy

Shillong, Nailur 10: Ka Junior Girls Selection Committee jong ka Meghalaya Cricket Association ka la jied ïa 15 ngut ki thei ïalehkai kriket ba kynthup ïa ki 5 ngut ki nongïalehkai pynap ban mihkhmat ïa ka jylla ha ka BCCI U-19 Women’s T20 Trophy kaban long shen ha Rajkot ha u bnai ban wan.
Ha kane ka lympung ka Meghalaya ka la shah kynthup lang bad ka jylla Uttarakhand, Hyderabad, Jammu & Kashmir, Kerala bad Punjab. Baroh ki jingïakhun jong ka Meghalaya, kata naduh ka 01tarik haduh ka 08 tarik u Risaw kin long ha Rajkot, Gujarat.
Kum ka jingpynkhreh na bynta kane ka lympung, ka kynhun ïalehkai ka pynlong ka jingkilan met ha madan Alotgre ha Tura. Ïa mynta hi, tang ki 15ngut ki thei ïalehkai ba la jied kiban leit sha Rajkot ha kaba ïa ka tarik ba kin mih yn sa pynbna da ka MCA shen.
Ki nongïalam jong ka kynhun ha kane ka lympung ïakhun ki kynthup ïa u Bah Leonard Wankhar (head coach), u Laxman Chettri (assistant coach), Helyna Sangma (trainer), ka Lucky Mary Marbaniang (physio) bad u Raju D Sangma (manager).
Katba ka kynhun ki 15 ngut ki nongïalehkai U-19 ka Meghalaya ka kynthup ïa ka Janika R Marak, Dawanshisha Warlarpih, Dianchidora N Sangma, Pilika Marak, Ronjoli Basumatary, Marme M Sangma, Monica Singh, Shreya R Marak, Awesa G Momin, Jayshree Singh, Natasha Rabha, Jaylyn Mary Marak, Julitha Sangma, Adela Kmen Lawai bad ka Rosabel Lyngkhoi.
Bad ki nongïalehkai pynap ki kynthup ïa ka Lasusaitre Suchiang, Zoya Tasneem, Srijana Chetry, Banri Kmen Lyngdoh Tongkhar bad ka Baïashisha Lyngkhoi.