13 tylli ki jaka, khang ka Sorkar ban pynsawa Horn kali

0

Shillong Naitung 09: Ka Tnad Transport jong ka sorkar jylla kala pynmih ïa ka hukum ba yn ym shah shuh ban pynsawa ïa ki ‘Horn kali’ ha ki 13 tylli ki jaka kiba don ha kylleng ka nongbah Shillong.
ïa katei ka hukum la pynmih da u Secretary ka tnad Transport Bah E Kharmalki ha ka 23 tarik u Jylliew 2023, kat kum ka bor kaba la pynkup lyngba ka Section 116 jong ka Motor Vehicle Act 1988 (Control Act 59 of 1988) la pynbna ban ym shah shuh ban pynsawa ïa ki jingsawa ne ‘Horn’ kali ne thuk thuk.
Ki jaka kiba la mana tyngeh bad kiba la pynbna ba yn ym lah shuh ban pynpah ïa ki ‘Horn’ ki kynthup ïa ka Dr H Gordon Robert Hospital, Jaiaw, Military Hospital Shillong, Childrens Hospital Pohkseh, Dispensary Rynjah, Arbuthnot Road Nazareth Hospital, Bethany Hospital, Civil Hospital Shillong, Raj Bhavan, Meghalaya High Court, CM Bungalow, Oakland, Meghalaya Secretariat, Additional Secretariat bad Orchid Resort Complex, Ri Bhoi.

Leave A Reply

Your email address will not be published.