Shillong, K’lyngkot, 20: Ki shipai Border Security Force (BSF) 4Bn kiba ap pahara ha khappud ki la ïoh ban kurup 17 tylli ki masi na khappud jong ka West Jaiñtia Hills ha ka sngi Palei ïa kiba la thmu ban khaii tuh sha ka ri Bangladesh.
Ïa kine ki masi la lap ba la buhrieh ha law bniap kaba don hajan syndah u mawpud ha kaba ki shipai BSF kiba ap pahara ha Rongtilla Out Post ki la ïoh ban kurup noh mardor.
Ki snar nongkhaii tuh ki ju buhrieh ïa ki masi ha ki jaka khlaw bad ki ju pyrshang ban pynïaid ïa ki ki jaka bym pat don ka jingker sainar haba ki ïoh lad.
Tang ha u snem 2022, ki shipai BSF ki la ïoh kurup haduh 3481 hajar tylli ki masi na khappud.
