Yn wan pynlynguh u Akon ha ka Cherry Blossom

0

Shillong, Nailur 09: Ki riew ieid jingrwai mynta ka kynti kin sa kmen hadien ba u nongrwai ba paw nam u Akon ha kaba khatduh u la rai ban wan ban rwai ha India ha ka Cherry Blossom Festival ka ban long ha ka 16 u Naiwieng, 2024. Kane ka jingrwai ne ka concert paidbah ka dei kaba don bynta bad ka tamasa ha kaba ki kynhun nongrwai kum ka Boney M bad R3HAB, kin sa wan ban rwai lang ha ki sngi bapher bapher.
Ba la pynlong da ka Rockski EMG ha ka jingïatreilang bad ka company Akon, ka Konvict Touring, kane ka jingwan rwai jong u ka long ruh kum shi bynta na ka jingleit rwai jong u kylleng ki jaka ne ka Akon “Superfan Tour,” kaba kynthup kawei ka jingrwai rynsan na ka bynta kawei kawei ka ri ha Asia ha u Naiwieng bad u Nohprah bad kane ka jingleit rwai jong u kan long ha ki 8 tylli ki ri.
Ka Cherry Blossom Festival ka don ka khana kaba sngewtynnad, ha kaba kane ka tamasa ka la khring ïa bun ngut ki briew na kane ka thaiñ shatei lammihngi bad kylleng ka ri ha ki snem ba la dep. Ha u snem ba la dep ha kane ka tamasa la wan ban rwai da u Ne-Yo bad Ronan Keating, ha kaba kane ka la khring ïa kiba bun ki paidbah kiba la pynpaw ruh ïa ka jingkmen halor kane ka tamasa.
Ha kane ka 2024 edition ka long kaba kongsan naba ka kynthup ïa ka kynhun rwai Boney M farewell tour, ba kynthup ïa ka nongseng ka Maizie Williams, kaba long ka jingjia kaba bun na ki riew ieid jingrwai kim dei ban duh ïa kine ki arngut ki artist. Ïa ki tiket na ka bynta ka Cherry Blossom Festival mynta la lah ban ïoh napoh ka BookMyShow.com, kaba sdang ha ka dor kumba T. 3,299 na ka bynta ki General Admission bad kumba T. 8,999 na ka bynta ki VIP.

Leave A Reply

Your email address will not be published.