Shillong, K’lyngkot 20: Ka Seng Voice of the People Party (VPP) kan sei kyrtong na Sohra da ka longkmie ba ita idei i Kong Phaiyolin Nongrum.
Ine idei shnong trai na Unstew, Laitryngew ba sah ruh ha Shillong.
I Kong Phaiyolin, i la pyndep ïa ka B.Com bad ïa ka Master Degree in Tourism. Idei ruh i Freelance Jounalist iba ju noh synñiang sha ka imlang sahlang lyngba ki jingthoh Article ha ki Kot Khubor.
Da kane ka jingmih i Kong Phailin, ka VPP mynta ka la don 17 ngut ki Kyrtong bad 2 ngut na kine kidei ki Kynthei.
Da ka jingmih i Kong Phalin, ka Sohra Constituency haduh mynta kan ïohi ïa ka jingïakhun ki arngut ki kynthei, bad iwei idei i Kong Lakyntiew Sohkhlet, i ban ïakhun na ka Seng Congress. Nalor kine arngut don ruh u Sitting MLA, u Bah Gavin Mylliem jong ka Peoples Democratic Front (PDF)u Bah Titos Chyne, jong ka UDP uba long ruh u MDC bad CEM ka KHADC. Nangta don ruh u Bah Allan West jong ka NPP, u Bah Harold Khongsit jong ka TMC.
