Yn pynlong ka India ïa ka World Audio Visual & Entertainment Summit naduh ka 20 – 24 tarik Naiwieng ha Goa

New Delhi, Naitung 17: U Myntri u la pynbna ïa kane ha ka jingïalang plie ha New Delhi mynta ka sngi ryngkat bad u Myntri Rangbah jong ka Goa, Pramod Sawant bad u Myntri Khynnah jong ka sorkar pdeng ba dei khmih ïa ka Tnat Information and Broadcasting Dr. L. Murugan.
Ha ka jingai jingkren ha ka jingïalang, u Ashwini Vaishnaw u la ong, “ka medïa and entertainment (M&E) ka don hapdeng ka jingkylla bad la ïohi ïa ka jingpyndonkam ïa ka teknoloji. Kane, ha kawei ka lïang, ka la plie shibun ki lad ki lynti, hynrei ha kawei pat ka lïang ka wanrah ïa ki jingsngewkhïa hapdeng katto katne ki nongïashim bynta ki bym shym la lah ban ïaid ryngkat bad kane ka jingkylla.
Ka bynta jong ka polisi mynta, ha kaba ïadei bad ka thong jong u Myntri Rangbah duh, Narendra Modi, ka la ïarap ban pynïasoh ïa kaba bha tam na kane ka jingkylla kaba ryntih.” U la bynrap ba ka Sorkar ka kut jingmut ban kyrshan ïa ka jinglong jingman baroh kawei ba ïadei bad ka medïa and entertainment ban lah ban ïaid ryngkat bad kane ka jingkylla.Haba kren halor ki lad ki lynti bad ki sienjam ban kot sha ki thong jong ka, u Myntri u la ong ba ka jingphaikhmat jong ka Sorkar kalong ban plie ki lad ioh kam ha ka medïa and entertainment bad ban kyntiew ïa ki sap.
Ïa kane yn pyntreikam lyngba ki sienjam kiba ryntih bad kiba katkum ka kyndon. Kine ki sienjam kin pynthikna ka jingwanrah ïa ka jinglong jingman ka ban pynshlur ïa ka content kaba bha, ka jingthaw bad ïada ïa ki hok IP ha ka ri bad kan pynlong ïa ki ri ka pyrthei ban ithuh ïa ka Indïa kum ka lad kaba bïang ban sdang ïa ki jaka pynmih content jong ki.
U la bynrap ba kane ka jingpyrshang ka donkam ïa ki jingïatreilang hapdeng ka kam M&E, ki kam kiba ïadei bad ka pisa bad ka teknoloji. Kane kan wanrah ïa ka jingdonkam ban pyrkhat bha ïa ki polisi bad u myntri u pynpaw ka jingkyrmen ba ha ki bnai ban wan ka sorkar bad ki kam kin pynïasoh lang ïa ki sienjam jong ki ban kot sha kane ka thong.
U Myntri u la ong shuh shuh ba ka WAVES bad ka IFFI kin thaw ïa ki bynta bapher bapher jong kajuh ka bynta bad ba ka WAVES Summit kan long ka input, katba ka International Film Festival of Indïa (IFFI) kadei ka output.
U la bynrap ba ka jingpynïasohlang ïa ka input bad output kan pynlong ïa ka Goa kum ka jaka pdeng na ka bynta ka jingsaindur bad ka sap, ka ban pynskhem ïa ka kyrdan jong ka kum ka jaka pdeng jong ki jingsaindur thymmai bad ki jingpyni ïa ki jingmut jingpyrkhat.
U la pynpaw shuh shuh ka jingsngewnguh ïa u Myntri Rangbah jong ka Goa ban pynlong ïa ka WAVES 2024 ryngkat bad ka IFFI khnang ba baroh ki kam ki ïahap lang.
U Myntri ryngkat bad kiwei kiwei ki kynrem ki lyndan ki la pyllait ïa ka website jong ka WAVES 2024 ( https://wavesindïa.org/ ) bad pyllait ïa ka kot lyngkdop jong ka summit.U Myntri Rangbah jong ka Goa, u Pramod Sawant u la ong ba katba ka IFFI ka la dei ka dak jong ka jingtbit ha ki kam cinema, ka WAVES kan wanrah ïa ka bynta ba thymmaii jong ka jingïatreilang ka industry da kaba phaikhmat sha ka kam M&E ka ban dang kiew.
U la ong ba ki artylli ki prokram kin wanrah ka lad ban jam sha ka lawei kaba bun ki lad ki lynti. Da kaba ong ba ka WAVS kan kyntiew shuh shuh ïa ka Goa kum ka jaka pdeng ba ïadei bad ka deiriti, u la khot sngewbha ïa ka kam M&E ban wan sha Goa da ka mynsiem jong ka jingsaindur thymmai bad ka jingïatreilang. U Myntri Khynnah jong ka Sorkar Pdeng, Dr. L. Murugan u la ong ba ka WAVES 2024 kan pynurlong ïa ka thong jong u Myntri Rangbah duh, Narendra Modi ban wanrah ïa ki nongïalam na kylleng ka pyrthei kiba dei na ka M&E industry sha Indïa.
U la bynrap ba ka Summit kan plie ka rynsan ban pynshlur ïa kito ha ka ri kiba la pyntbit ha kane ka kam.U Secretary Sanjay Jaju u la ong ba ka summit ka thmu ban wanrah ïa ka world class M&E summit: “ka jingthmu jong ka sienjam kalong ban pynkhlain ïa ka bor ba jem jong ka Indïa kum ka Indïa kaba kiew ha ka ioh ka kot.
La khmih lynti ba ka Summit kan wanrah ïa ki jinglong jingman ba thymmai ha ka jingsaindur.” U la ong ba ka summit kan pynkhreh ban kot sha ki thong ban wanrah ka jingkiew shaphrang ha ki kam saindur thymmai bad ki kam teknoloji, ka jingkyntiew ïa ki kam jong ngi ba kin lah ban ïaryngkat kyrdan bad ka pyrthei, ka jingpynkhlain ïa ki jingïatreilang, wanrah ïa kajingbei tyngka, kyntiew ïa ka sap, pynbun ïa ki jait content bad kyntiew ïa ka roi ka par kaba ïaineh.U Secretary u la pyntip shaphang ki lad ki lynti ba ka summit kan pyndonkam bad ong ba ka Content Production and Innovation, Animation, VFX, Gaming & Music bad ka Intellectual Property (IP) Creation kin long kiba kongsan.
Ka WAVES ka thmu ban long ka kynhun kaba hakhmat tam, ka jingïatreilang ha ka khaii pateng bad ka jingsaindur thymmai hapoh ka jinglong jingman M&E ba dang kylla. Ka Summit kan wanrah lang ïa ki nongïalam jong ka industry, kito kiba don bynta ha kane ka kam, bad ki nongsaiñdur thymmai ban wad ïa ki lad ki lynti, ban weng ïa ki jingeh.