New Delhi, Naitung 17: U Myntri Kam Pohïing un plie ïa ka National Narcotics Helpline ka ‘MANAS’ (Madak padarth Nisedh Asuchna Kendra) bad plie ïa ka Zonal Office jong ka Narcotics Control Bureau (NCB) ha Srinagar.
U Amit Shah un pyllait ruh ïa ka ‘Annual Report 2023’ jong ka NCB bad ka kot halor ka ‘Nasha Mukt Bharat’. Ka jingthmu jong ka jingïalang kalong ban ïatreilang bad pynkhlaiñ ïa ki sienjam jong ki agency jong ka sorkar pdeng bad sorkar jylla kiba don bynta ha ka jingïakhun pyrshah ïa ki kam khaii drok beain ha India.
Hapoh ka jingïalam jong u Myntri Rangbah duh, Narendra Modi ka sorkar India ka la pdiang ïa ka ‘Zero Tolerance Policy’ pyrshah ïa ka jingkhaïi drok beaiñ ban tehlakam ïa ki jingeh ba ïadei bad ki drok. Ka Tnat Kam Pohiing kan kot sha ka thong jong u Myntri Rangbah duh Modi na ka bynta ka Indïa kaba lait na u drok shuwa u 2047 lyngba ki 3 tylli ki mat treikam- ka jingpynkhlain ïa ka rukom treikam, ka jingïatreilang hapdeng baroh ki agency kiba ïadei bad ki kam pyrshah ïa ki drok bad ka campaign ai jingtip paidbah.
Kum shi bynta kane ka jingtreikam la shim katto katne ki sienjam ba kynthup:
Ka jingpynlong man la ka por ïa ki jingïalang NCORD jong baroh kito kiba don bynta ha kane ka kam ha baroh ki kyrdan jong ki kam kiba saw kyrdan.? Ka jingplie ïa ka rynsan NCORD ban ïasam ïa ki kam bad ki rukom treikam ba bïang.
Ka jingthaw ïa ka Joint Coordination Committee na ka bynta ka jingïatreilang halor ki mat treikam ba ïadei bad ki case kiba heh, kiba don jingïadei bad kiwei kiwei ki kam beain bad ki jingktah ïa kiwei kiwei ki ri.
Ka jingseng ïa ka Anti-Narcotics Task Force (ANTF) ha man ka jylla/UT.? Ka jingphaikhmat kyrpang sha ka jingpynduh ïa ki drok ba la ioh kurup.
Ka jingplie ïa ka rynsan NIDAAN na ka bynta kito kiba leh ïa ki kam beain kiba ïadei bad ki drok.
Ka jingwanrah ïa ki jingpyndonkam ïa ki ksew ban lap ïa u drok.? Ka jingpynkhlain ïa ki lad forensic.? Ka jingplie ïa ki iingbishar NDPS ba kyrpang bad ki iingbishar Fast Track.
Ka Nasha Mukt Bharat Abhiyan (NMBA) na ka bynta ban pynsngewthuh shaphang ka jingma jong ka jingpyndonkam ïa ki drok.Ïa ka NCORD la sdang ha u 2016 na ka bynta ka jingïatreilang kaba kham bha hapdeng ki Jylla bad ka Tnat Kam Pohiing jong ka Sorkar Pdeng. La pynkhlain shuh shuh lyngba ka rukom treikam kaba saw kyrdan ha u 2019.
Ka don ia ka NCORD Committee kaba halor tam, kaba khlieh da u Union Home Secretary, ka Executive Level NCORD Committee kaba khlieh da u Special Secretary, Tnat Kam Pohiing, ki State Level NCORD Committee ba la khlieh da ki Chief Secretary bad ki District Level NCORD Committee – ba la khlieh da ki District Magistrate.
