Shillong, K’lyngkot, 06: Ka All Meghalaya Dancer Association (AMDA) ryngkat ka jingïatreilang bad ka Hynñiewtrep Youth Council (HYC) Tyrsad Circle ki la pyntip ba kin sa pynlong ïa ka jingïakob ‘Mawphlang Constituency Superstar’.
U President jong ka AMDA Bah Kitbok Thabah u la pyntip ba ïa ka Audition la pynsdang naduh ka 5 tarik mynta u bnai bad ka sngi ba khadduh ban phah ïa ki Video ba shad kan long ha ka 24 tarik mynta u bnai.
U la pyntip ba kino kino kiba kwah ban shim bynta ha ka jingïakob shad jong ka ‘Mawphlang Constituency Superstar’ ki dei ban phah ïa ki Video ha u Number 7641920853, 9612931020, 8798174495.
U la pyntip ba ka AMDA kan ai jingtip kham hadien ïa ka jingpynlong ïa ka phainal bad ïa ka tarik ba khadduh ban pdiang ïa ka Audition.
“Ka thong jong ka jingïakob shad lane ka ‘Mawphlang Constituency Superstar’ ka dei na ka bynta ban sei ïa ki samla na kane ka Constituency kiba don sap ha ka liang ka shad bad ha kajuh ka por ban plie lynti ïa ki samla ha ka rynsan ïakop pynisap” ong u Bah Kitbok.
