Jowai, K’Lyngkot 30: Kum shi bynta na ka jingrakhe ïa ka International Water Conclave 2024, ka ophis jong u Deputy Commissioner, West Jaiñtia Hills District, Jowai ha ka jingïatrei lang bad ka Water Resource Department, Government of Meghalaya kumjuh bad ka Directorate of Arts & Culture, Meghalaya kin sa pynlong ïa ka jingïakop kyntip (District Level Quiz competition) bad ïa ka jingdro dur (Painting competition) haka 3 tarik u Rymphang, 2024 ha Conference Hall, jong ka ophis DC (Room No. 123 1st Floor).
ïa ka Quiz Competition kan long na ka bynta ki khynnah skul bad samla pule college, katba ka Painting Competition pat ka long ïa baroh ki nongshong shnong ka District West Jaiñtia Hills District, kat kiba kwah ban ïashim bynta. Ha kane ka jingïakop dro dur kin don shibun ki matpdeng (Theme) kiba ïadei bad ka jingpynneh pynsah ïa ka um.
Ki nongïashim bynta ha ka Painting ki lah ban pyndonkam da ki water colours, oils, acrylics lane ki mixed media. Ki nongïashim bynta kin wanrah hi ïa la ki jong ki tiar dro. Kino kino kiba don jingmut ban ïashim bynta ki lah ban pynrung kyrteng ïalade (Register) ha ka online iwc2024painting@gmail.com hashwa jong ka 2/2/2024.
