Jowai, K’Lyngkot 31: U Superintendent of Police jong ka West Jaiñtia Hills District mynta ka sngi ula pynmih ïa ka khubor kaba ïadei bad ka jingkyntu ïa kiba ha ïing ne kino kino kiba don jingïadei bad u wei u rangbah ba la 37 snem ei ei ka rta uba la khlad noh ha Civil Hospital, Ialong ïa uba la tip kyrteng kum u Birbal Barman ba kin wan shimti noh ïa kane ka met iap na katei ka Hospital.
Lada ym don ba wan mih hapoh 3 sngi naduh ba la pynmih ïa kane ka khubor na ka liang ki bor pynïaid Hospital kin sa aiti sha ki bor kiba dei peit ban leh ïa kaba donkam katkum ka aiñ. Kum ka jingpyntip na ki Pulit ba u tei u Birbal Barman (37) u don ïa ka jingjrong kaba la kumno kumno 5.3 ft, u phong ïa ka T-Shirt kaba rong Jyrngam bad lieh, ka patlun Jean rong Marun. Kiba don jingïadei ki lah ruh ban phone ha kine ki number jong ka Dawki Police Station: 9402303222 / 9862370673 bad ha Jowai PCR No: 9774065467 / 03652220782.
