Mawkyrwat, K’lyngkot 19: Ka ophis jong u Deputy Commissioner & District Election Officer, South West Khasi Hills District ryngkat ka jingïatreilang bad ka ophis jong u District Sports Officer, South West Khasi Hills District kan sa pynlong ïa ka jingïamareh thong kaba la tip kum ka National Voters Day Run 2023 ha Mawkyrwat.
Kane ka jingïakop mareh thong kan sdang na phyllaw jong ka ophis u Deputy Commissioner, South West Khasi Hills District bad pynkut biang ha kajuh ka jaka bad ka tarik kane dei ha ka 25 tarik u Kyllalyngkot, 2023 naduh ka por 6 baje mynstep.
Ki kynhun ba la phiah ban long ki nongïashimbynta ki long ha ka 10 km kin dei kiba la 18 snem shaneng, ha ka 10 km biang kin long kiba 13 haduh 17 snem bad ha ka 5 km kin long kito kiba hapoh ka 12 snem.
Ïa kiba wan ïashimbynta, yn sa don ka khusnam kaba long da ka song pisa ha la ki jong ki jong ki jingjop jong ki nongmareh.
Ka jingpynrung kyrteng ïa ki nongïashimbynta kan long naduh ka 23 tarik u Kyllalyngkot, 2023 ha ka por 11 haduh 4 baje janmiet hapoh ka ophis jong u District Sports Officer, South West Khasi Hills District ha ki sngi long trei. Ki jingtip ba khambniah: 9862886727.
