Jowai, Rymphang 22: Ka ophis jong ka State Council of Science, Technology & Environment, Meghalaya ha ryngkat ka jingïatreilang bad ki bor District ka West Jaiñtia Hills, Jowai kin pynlong ïaka jingïamareh ‘National Science Day Run– 2024’ shi bynta ban rakhe ïaka National Science Day 2024 halor ka phang kaba ong “Indigenous Technologies for Viksit Bharat”.
La pyntip ha kane ka jingmareh lah ban ïashimbynta naduh ki shynrang bad kynthei (Open Category) ka ban long haka 26 tarik u Rymphang, 2024 haka por 6 baje shiteng mynstep.
Yn sdang ïa ka jingmareh naduh Main Gate Kiang Nangbah Stadium (Starting point) da kaba ïaid lyngba u surok Ladthadlaboh Main Road – Jowai Public School – Gate Polytechnic – Kshaid Rymphum – Salaroh – Dulong Poh-hali Road – Dulong – Pamhadem – Panaliar (Civil Hospital) – Iongpiah – Mission Compound – H.K. Singh School – D.C Office – New Hill – National Highway bad pynkut ha Kiang Nangbah Indoor Stadium (Finishing point).
Ha kajuh ka por yn sam ruh ïa ki ‘Special Prizes’ bad ki Syrnot sha baroh ki nongjop ha ka National Science Day Run – 2024, ha kaba yn sam ei ruh ïa ki T-Shirt sha baroh ki nongïahsim bynta.
Halor kane na ka liang u District Sports Officer, West Jaiñtia Hills District, Jowai ula kyntu ïa baroh ki District Association, ki Sports Club, ki School bad Colleges napoh ka West Jaiñtia Hills District ba kin wan ban ïashim bynta katkum katei ka tarik bala kdew haneng.
Ïa ka jingshim kyrteng (Spot Registration) ïa baroh ki nongïashim bynta kan long ha katei hi ka sngi 26-Rymphang-2024 ha Kiang Nangbah Indoor Stadium, Jowai, bad ka por ban kyntiew kyrteng kan sdang naduh 6 baje mynstep.
