Shillong, Nailur 08: Ka Akhil Bharatiya Vidyarthi Parishad (ABVP), Garo Hills unit, ka pynpaw ïa ka jingsngew sarong ban pynbna ba ka Pa Togan Best Student Award 2024 ceremony kan long ha ka 9 tarik mynta u bnai 2024 ha District Auditorium, Tura, West Garo Hills. Kane ka prokam kaba donburom ka long ban ithuh bad burom ïa ki samla pule napoh ka thaiñ Garo Hills.
Ha kane prokram yn wan ban shim bynta da kiba bun ki kynrem ki lyndan kiba kynthup ïa u Biswajit Daimary, Honorable Speaker, ka sorkar Assam, kum u kongsan, u Bernad N. Marak, MDC, GHADC, kum u symbud kongsan.
Ka Lekhi A. Sangma, ka President barim ka seng ABVP Meghalaya, kum ka Special Guest.
Ha kane ka prokram kumba 63 ngut ki topper na ki 47 tylli ki skul ha Tura ki ban shah pynkup burom halor ki jingtrei shitom. La khmih lynti ba ha kane ka prokram kin wan bun kiban wan ïashim bynta, bad la ong ba kin don kumba 700 ngut ki ban ïashim bynta, kynthup ïa ki longïing longsem jong ki samla kiba dei ban ïoh ia ki khusnam, nangta ki principal, ki nonghikai bad kiwei kiba la shah khot sngewbha.
Kane ka jingai khusnam ka thmu ban pynshlur bad ai mynsiem ïa ki samla pule ba kin kiew ha ki jingpule jong ki bad kumjuh ruh ba kin long kum ki nongïalam.
Lah ban ong ba ABVP, ka trei ïa ki kam ban pynkup bor ïa ki samla, bad da ka jingngeit ba kane ka jingsdang kan ai bor ïa ki samla ha kaba ïadei bad ka sawdong sawkun ka pule puthi ha ka thaiñ Garo Hills.
“Ngi khot sngewbha ïa baroh ki samla pule, ki nonghikai bad ki dkhot jong ka thaiñ ban ïashim bynta lang bad ngi ha kane ka sngi ban rakhe bad kynmaw burom ïa ki nongïalam jong ka thaiñ,” ong ka ABVP.
