Shillong, Nailur 08: Ka khubor ba la ïoh na ki pulit la ïathuh ba u Bah Anil Lyngdoh u la ujor ba hadpeng ka mied jong ka 2 bad 3 tarik mynta u bnai, ki runar bym lah ban ithuh ki la tuh ïa ka kali jong u kaba don u nombar ML-05Y-1884, kaba dang pynïeng harud surok kaba ha Qualapatty, Shillong.
Ha kawei pat ka jingjia ki pulit ki la ïathuh ba u Bah Lucas Rymbai u la phah ka jingujor ba ha ka 1 tarik mynta u bnai ha ka por kumba 5.45 baje mynstep, 3 ngut ki runar kiba kieng atiar ki la mih kynsan napoh ka kali kaba don u nombar ML-11-9042 bad ki thombor ïa u, najan ka petrol pump ha ka shnong Mookhep (EJH). Halor kane ka jingjia utei u lanot u la mynsaw jur.
Sa kawei pat ka jingjia kawei ka longkmie kaba napoh ka shnong Barato (WJH) ka la phah ka jingujor ba ha ka 1 tarik mynta u bnai ha ka por kumba 9:25 baje mynmied, uwei u briew uba kyrteng u Karmel Lamin ba la 65 snem ka rta ha ryngkat bad u khun bad kiwei kila tan ïa u khun ba la 23 snem ka rta sha khlaw katba u dang shong ha ka kali ban leit sha ka shnong Mukroh. Kham hadien kitei ki briew ba la shah kynnoh ki la ktah kti bad ki la siat ïa u da ka suloi ha kaba kane ka jingjia u tei u lanot u la khlad noh.
