Shillong, Nailur, 08 : Ka Hynñiewtrep Integrated Territorial Organisation (HITO) ha ka sngi Saitjaiñ ka la pynlong ïa ka jingjied ïa ki nongkitkam bathymmai jong ka West Jaiñtia Hills na ka bynta ka samoi treikam jong u snem 2024 haduh 2027.
Ïa kane ka jingjied nongkitkam ba thymmai la pynlong ha Tyrchi Inn, Khlieh Tyrchi.
Ha kane kajuh ka sngi, u President jong ka HITO Seng Kmie u Bah Donbok Dkhar u la pynskhem ïa ki nongkitkam kiba la shah jied thymmai.
Ki nongkitkam ki long u Ajilius Satein kum u President, Bah Yoomii Passah kum u Vice President, Secretary Bah Hame S. Rymbai bad Public Secretary Bah Marbud Phawa.
Ki don phra ngut kiba ïakhun na ka bynta kine ki saw tylli ki post.
Shuwa ban pynskhem ïa kine ki nongkitkam ba thymmai, u President ka HITO u la pynkynmaw biang ïa ki dkhot ïa ka nongrim ba ka HITO ka ieng ban shakri ïa ka jaitbynriew.
