Yn pynher lama ka ri u Lat ha Shillong, u CM ha Tura

Shillong, K’ Lyngkot 24: Ka sorkar jylla ha ka sngi Thohdieng ka la pynbna bad pynmih ïa ki kyrteng jong ki heh ki haiñ ki ban pynher ïa ka lama lai rong ka ri bad kumjuh ruh ki ban shim ïa ka salute ha ka sngi rakhe ïa ka Republic Day ka ban long ha ka 26 tarik mynta u bnai, 2025.
U Lat ka jylla u CH Vijayashankar un pynher ïa ka Lama ka ri ha district headquarters kaba dei ha Shillong, katba u Myntri Rangbah ka jylla u Conrad K Sangma un pynher ha Tura, u Symbud Myntri Rangbah u Bah Prestone Tynsong ha Nongstoiñ, u Symbud Myntri Rangbah u Bah Sniawbhalang Dhar ha Mawkyrwat, u Myntri ka sorkar jylla u Bah Paul Lyngdoh ha Nongpoh, u Myntri ka sorkar jylla u Bah Comingone Ymbon ha Jowai, nangta u A T Mondal ha Williamnagar, u Rakkam A Sangma ha Baghmara, u Marcuise N Marak ha Resubelpara, ka Dr. M Ampareen Lyngdoh ha Ampati, u Bah Kyrmen Shylla ha Khliehriat bad u Bah Shakliar Warjri ha Mairang.
Ha kaba ïadei pat bad ki Civil Sub-division, u MLA, u Sanjay A Sangma un pynher ïa ka lama ka ri ha Sohra, u MLA, Bah Gavin Mylliemngap ha Amlarem, u MLA, u Marthon J Sangma ha Dadenggre, u MLA, u Dr. Celestine Lyngdoh ha Pynursla, u MLA Sengchim N Sangma ha Chokpot, u MLA, u Limison D Sangma ha Raksamgre, u MLA, Bah Gabriel Wahlang ha Mawshynrut, u MLA, u Ian Botham K Sangma ha Ranikor, u MLA, Bah Charles Marngar ha Patharkhmah, u MLA, u Jim M Sangma ha Rongjeng, u MLA, u Subir Marak ha Jengjal bad u MLA, u Brening A Sangma ha Dalu.
Hapoh Hima Shangpung (Laskeiñ C&RD Block), ka MLA, ka Kong Santa Mary Shylla kan sa shim bynta lang hapoh ka jaka ba pynlong ïa ka parade.