Shillong, K’lyngkot 18: U Chief electoral officer (CEO) ka jylla u Bah FR Kharkongor ha ka sngi Balang u la pyntip ba ka tnat elekshin ha ryngkat ka jingïatreilang bad ki puilit kan peit ngor bha ïa ki briew kiba ju thaw jingkulmar ban teh lakam ba kin ioh kabu ha kano kano ka por ba dang ïaid ka elekshon.
U la ong ba ha ka thup ba la wad bniah bad bha ki don kumba kato katne kiba ju thaw jingkulmar hynrei namar ka dei ka kam kaba ym lah ban pynbna paidbah la buhrieh noh ïa ki kyrteng jong ki.
“Ban teh lakam ioh kin ioh kabu ban wanrah jingkulmar ne ban pynthut ïa ki nongjied ngin peit ngor bha bad lada ki pynkheiñ aiñ yn pynngat ha ki kyndon aiñ kiba tyngeh,” u la ong.
