Yn leit iashim bynta ka PFR FA ha ka U-15 Gold Cup National Football Championship ha West Bengal

Shillong, Naitung, 18: Ka PFR Football Academy kaba long kawei na ki shlem ai jinghikai ïa ki khynnah ha ka jingïalehkai phutbal, ka la shah khot sngewbha ban ïashim bynta ha ka Under-15 Gold Cup National Football Championship ka ban sa long naduh 21 tarik haduh 23 tarik Naitung, 2023 ha West Bengal.
Haba ïa kren bad u President jong ka Academy, u Bah Franky Kharumnuid u la ong ba kum ka Academy ka dap da ka jingkmen kaba khraw hadien ba kane ka Academy ka la ïoh ïa ka jingithuh wat haduh ki nongpynïaid kiba na shabar ka jylla lyngba ka jingshah khot ban ïashim bynta ha kane ka lympung National Level kaba long kawei na ki rynsan kaba ki khynnah jong kane ka Academy kin ïoh ïa ka lad ban pynni ïa ka sap ka phong jong ki ha ka National Level.
U la ong, kan ruh ka jingai mynsiem ïa ki khynnah haba ki ïoh ïa ka lad ban ïalehkai ïa ki lympung ïalehkai shaba na la ka jylla namar dei ha kum kine ki lympung kiba heh kaba ki khynnah kin sngewthuh kumno ba kin nang lah ban trei shitom ban pynjanai ïalade na ka bynta ban pynlong ïa kane ka jingïalehkai kaba ki ieid kum ka lad jingkamai jong ki ha ki khyndiat snem ki ban sa wan.
Ïa kane ka kynhun yn ïalam da u Bah Tyngshaiñ-lang Kharlyng-doh kum u Head Coach bad u Bah Franky Kharumnuid kum u Team Manager.
Kane ka kynhun ka mih na ka Meghalaya ha ka 20 tarik mynta u bnai.
Na ka liang jong ka Management ka kitbok kit rwiang ïa kane ka kynhun bad kyrmen ba kin ïoh kheit ïa u soh jong ka jingjop ha kane ka lympung.