Nongstoiñ, Rymphang 01: U Expenditure Observer jong ka West Khasi Hills District, Nongstoiñ, u la ïakynduh mynta ka sngi ka 1 tarik u bnai Rymphang 2023 ïa ki nongpynïaid jong ka election, hapoh ka jingïalam jong u bah Garod LSN Dykes District Election Officer, ha kaba la synrang lang da ki RO, ARO, Magistrate, ki nongïalam jong ka Flying Squad Team, Static Surveillance Team, Video Surveillance Team, Assistant Expenditure Observer, Accounting Team bad kiwei kiwei ha Conference Hall DC office, Nongstoiñ.
U Observer u la kyntu ïa ki nongpynïaid election ban trei hok, trei shitom bad u la kdew ruh ba baroh ki jingpynlut (expenditure) bad ki cell kin treikam noh ban pynlong ruh ïa ka jingtalasi haba don lane don ka jingishan khmat ïa ki kali kiba ïaid kiba rah pisa, kyiad, jingpynbuaid da ka jingmut ban thied bad pynbiej ïa ki nongthep vote.
U la ai ruh ïa u contact number 9233271283 na ka bynta ki paidbah ban pynsngew bad ai jingtip ha u lada don ki jingujor, khnang ban pynlong ïa ka election kaba khuid kaba suba kaba laitluid bad kaba ïaid beit ïaid ryntih.
Shuh shuh u la ong ba ki bor synshar District bad ki Pulit kin pynlong ka jingpyrkhing ia kiba thmu ban sam pisa bad ban sam kyiad ha ki shnong bapher bapher ka West Khasi Hills District.
Haduh mynta ki Pulit ki la pynlong ka jingtalasi bad ka jingpeitngor hapoh ka district baroh kawei.
