Khliehriat, Naitung, 19: Ka Red Ribon Club jong ka Jaiñtia Eastern College Khliehriat, kan pynlong ïa ki prokram bapher bapher ba la tip ruh kum ka “District Level Youth Festival 2023” bad ha kane ka prokram kaba ar sngi yn ïatreilang ruh bad ki tnat bapher bapher ba kynthup ka Meghalaya Aids Control Society, Shillong, Kyrmen Foun-dation, Ladrymbai bad ka Jaiñtia Hills Cement Manu-facturer’s Asso-ciation, Thangskai.
Ïa kane ka District Level Youth Festival 2023 yn pynlong ha ka 28 tarik bad 29 tarik Naitung bad kin don haduh 500 ngut ki samla pule na ki 11 tylli ki College kiba don ha East bad West Jaiñtia Hills ban ïashim bynta lang ha ki prokram . Ha kine ki ar sngi kan don ruh ka jingpynshai sha ki paidbah shaphang ka jingkynrei bad ka jingroi sted ka jingpang HIV/AIDS bad kiwei kiwei ki jait jingpang kum ka jingpang Sexual Tran-smitted Disease (STI) ha kane ka district.
Kin don ruh ki prokram kum ka ABHIVYAKTI lane ka drama (Red Show) halor kine ki mat kiba ïadei bad ki jingïaid lynti kiba lam sha ka ka jingpang HIV lane Routes of HIV Trans-mission, ka Myths & Misconception bad ïadei bad ka jingpang HIV, ka Promotion of Helpline 1097, kan don ruh ka Red Ribbon Quiz Competition halor ka ka mat ba ïadei bad ka jingpang HIV/AIDS, kan don ruh ka jingïa mareh marathoh kaba jngai 5 kilo mitar, ba la khot da ka Marathon Red Run 5Km. Ha kane ka prokram yn ai buskit da ka pisa ïa baroh kiba jop bad yn sam ruh ïa ki syrnot sha baroh kiba wan ban ïa shim bynta.
