Yn ïai bteng ka Sorkar Jylla ban ïakren bad ka Sorkar Pdeng halor ka ILP bad ktien Khasi-Garo

Shillong, Jylliew 28: U Myntri Rangbah ka jylla u Conrad K Sangma ha ka sngi Thohdieng u la ong ba ka sorkar jylla kan ïai bteng ban ïakren bad ka sorkar pdeng na ka bynta ban pyntreikam noh mardor ïa ka inner line permit (ILP), nangta ka jingkynthup ïa ka ktien Khasi bad Garo hapoh ka khyrnit kaba phra jong ka riti Synshar jong ka ri India.
Haba kylli la kane ka sorkar kan shimkhia halor kine ki jingdawa ba la slem bad ka sorkar pdeng, u Sangma u la ong, “Kam kaba ïadei bad ka ktien bad ka ILP kidei ki mat ba ngi la ïoh ban ïai banjur. Ka sorkar jylla ka la tynruh ruh ïa ka sorkar pdeng halor kine ki mat ba kongsan bad ngin ïai bteng ban ïakren bad ka sorkar pdeng halor kine ki mat.”
“Nga khlem ïoh ka lad ban kynduh ïa u Myntri Rangbah Duh ka ri bad kumjuh ruh ïa u Myntri ka tnat ki Kam Pohïing ka sorkar pdeng namarba nga don ha Delhi tang shi sngi hynrei nga la ïoh pat ban kynduh ïa kumba 8-9 ngut ki Myntri ka Sorkar pdeng,” u la ong.