Yn ïa kynduh lang ki Contractor bad ki Supplier na Ri Bhoi ha ka 25 tarik

0

Nongpoh, Lber 24: Kum shi bynta ban phaikhmat kyrpang ïa ki jingeh jong ki Contractor bad ki Supplier kiba don hapoh ka them Ri Bhoi, ka Ri Bhoi Contractor and Supplier’s Association ka la rai ban pynlong ïa ka jingïalang jong baroh ki Contractor bad ki Supplier na Ri Bhoi ka ban long ha Nongpoh ha ka 25 tarik u Lber 2023 ha ka por 11 baje mynstep ha ïing Dorbar Hall, Sajer Nongpoh.
Kumba la pyntip da u President bad Secretary ka Ri Bhoi Contractor and Suppliers’ Association, u Bah Rodney Syngkli bad U Bah Thre Cleophas Nongrum, la ong ba kane ka dei ka jingïakynduhlang jong baroh ki Contractor bad ki supplier na ka bynta ban pynthymmai ïa ki nongïalam kane ka Association ki ban long kita ki nongïalam ban peit ïa ka bha ka miat jong baroh ki Contractor bad ki Supplier kiba dei na Ri Bhoi District.
Kitei ki nongïalam ki la pynpaw ruh ba na ka liang ka Association kan pynkhlaiñ ïa ka jingtreikam ban peit kyrpang ïa ki jingeh ki Contractor bad ki Supplier, namar bun na ki Contractor bad ki Supplier ha Ri Bho ki shah khñiot beiñ bad ki kynduh jinge na ka daw ka jingbym biang ha ka liang ka bhah kam bhah jam ha ki Contractor bad ki Supplier.
Ki la pyntip ruh lyngba jonng katei ka sngi, kin jied biang ïa ki nongïalam ba pura ka Association da kaba ïahun lang na baroh ki Contractor bad ki Supplier bad hadien ba la ioh ïa ki nongïalam bad ki dkhot ba pura ka Association kin pynkhlaiñ noh ïa ka jingshakri bad khamtam ban peit kyrpang ïa ki jingeh ki Contractor bad ki Supplier kiba dei na Ri Bhoi District.
Namar kata, kitei ki nongïalam ki la khot la wer ïa baroh ki Contractor bad ki Supplier ba kin ïa wan khnang sha katei ka jingïakynduh lang khnang ban ioh ban ïa kren ïa shibun ki kam kiba dei na ka bynta ki Contractor bad kumjuh ruh ba kum ki Contractor bad ki Supplier na Ri Bhoi ki hap ban pynkhlaiñ ïa ka jingtreikam khnang ban ïaid beit ïaid ryntih ki kam ki jam kiba dei na ka bynta ki Contractor bad ki Supplier, la bynrap kitei ki nongïalam ka Ri Bhoi Contractor and Supplier’s Association na Ri Bhoi.

Leave A Reply

Your email address will not be published.