Yn dang shim por ka BJP ban pynbna kyrtong na Gambegre, ong u Bah Hek

0

Shillong Naitung 16 : Ka seng Bharatiya Janata Party (BJP) kan dang shim ïa ka por ban rai ïano yn pynïeng ha kane ka elekshon shiteng samoi ka ban long na Gambegre.
“Ngin ïashim bynta ha kane ka bye election ka ban long ha Gambegre Assembly seat,” ong u nongïalam ka BJP uba long ruh u Myntri ka sorkar jylla u Bah AL Hek.
Hynrei na ka liang jong u ula ong ba ka party kan dang hap ban shong ïa ka jingïalang ha kaba ïadei bad ka rai ban pynïeng kyrtong ha kane ka elekshon shiteng samoi.
“Ngan ym lah ban ïathuh naba ngim pat ïohpdiang ïa ki application bad tang shu la ïohpdiang ngin sa lah ban rai ïa u kyrtong uba bha tam,” bynrap u Bah Hek.
Haba kylli la ka BJP kan ïeng ban ïatreilang bad ka NPP halor ka jingpynïeng ïa ka kurim jong u Myntri Rangbah ka jylla ha kane ka elekshon shiteng samoi, na ka liang u Bah Hek u la ong, “Ka Election kadei ka election. Ngi hap ban ïakhuh, bad baroh ki tip ïa kata.”
“Ka seng BJP kadei ka National Party bad ngin ïakhun ïa kane ka election bad ka lad ka shong haduh katno ki kyrtong kiba pan tiket. Bad ïa mynta ka dang long kaba kloi eh ban kren halor kane ka bynta,” u la bynrap.

Leave A Reply

Your email address will not be published.