Shillong, Nohprah 14: Mynta ka sngi ka jylla kan sa ïoh ban sakhi ïa 10 ngut ki nongïakhun MMA kiba mihkhmat nala ki jong ki synjuk, kin sa aireng ha ka Warrior Fighting Championship ka ban sdang naduh mynta ka sngi ka 15 tarik Nohprah haduh 16 tarik.
Kine ki nongïalehkai ki kynthup ïa 9 ngut shynrang, kata u Johnibor, Babit, Donbestar, Fivestar, Pynshngaiñ, Johnny Nongrum, Khraw, Rishan, Kisan, lem bad kawei ka kynthei, ka Genevieve.
ïa ka rynsan na bynta kane ka lympung la pynkhreh ha madan Kurkalang Bhoirymbong.
Kin don haduh saw tylli ki kyrdan katkum ka jingkhia (Weight Category) na bynta ki nongïalehkai ki ban aireng ha kane ka lympung.
Ha ka sngi plie ïa ka lympung kin don 5 tylli ki jingïakhun, kine ki kynthup ïa u Donbester pyrshah ïa C lalimpua na ka Alpha MMA (Ameture MMA) ha ka kyrdan ïakhun Straw Weight, u Rokibul pyrshah ïa u Gaurav ha ka kyrdan Fly Weight, uAbhijit (Hill side) pyrshah ïa u Shankar Pal (M.P MMA)-Pro Ameture MMA ha ka kyrdan Fly Weight. U Babit pyrshah ïa u Bony. U Johnny pyrshah ïa u FARID.
Ha ka thup ïakhun jong ki kynthei, ka GENEVIVE kan aireng pyrshah ïa ka Vanlalruati ha ka kyrdan Strawweight ( amateur KICKBOXING) ban sa pynlong ha ka sngi ïakhun ba ar jong kane ka lympung kynthup bad san tylli jong ki shynrang.
U Arjun un aireng pyrshah ïa u Rishanskhem, nangta u Abhijit pyrshah ïa u Shankar pal ha ka kyrdan fly weight (pro amateur mma)
Na ka liang jong u Khraw vs PRIYANUJ ( fly weight pro kickboxing), u Five-star pyrshah ïa u NAZARETH ( fly weight pro MMA) bad khadduh u Kishan pyrshah ïa u RK ( bantam weight pro mma).
Kane ka dei ka sien nyngkong ban pynlong ïa kane ka lympung hapoh ka jylla bad ka jingthmu ka long ban kyntiew ïa kane ka jingïaleitkai bad ruh ban sei madan ïa ki nongïakhun kiba lah ban mih madan ha ki rynsan ba kham paw ha ka pyrthei.
