Shillong, Nohprah 16: Ka Shlem jingïarap ïa kiba duk jong u Rupang kaba ju ai jingïarap man la u snem ïa ki katto katne ki longïing kiba duk da ki tiar ki tar khnang ba kin ïoh pyndonkam lem ha ïing ha sem, mynta u snem 2024 ruh kan pynlong biang ka jingsam jingïarap kaba 13 sien ha ka 28 tarik u Nohprah, 2024 ha Mawkhar Christian Hr.Sec School,Shillong por 11 baje mynstep.
Kito kiba ju don mynsiem lem ban ïa noh kylluid mynsiem lem katba kot ne lah bor ei ban ïarap bad don bynta ban ai sngewbha Khristmas bad new Year lem ïa ki longïing ba duk kiba don kylleng ka ri Khasi-Jaiñtia, ki lah ban phah ne ai noh ki jingïarap jong ki hapoh 20 tarik une u bnai Nohprah, 2024 sha u Rupang ne sha kine harum khnang ba ka Shlem kan ïoh pynkhreh noh shaid shaid ïa katei ka kam ba donburom (noble cause).
“Lada phi ïarap lem ïa kiba donkam shisha, ka jingkyrkhu kaba na sha lyndet kan wan kylliang na lyndet jong phi,” ong ka kyrwoh ba la phah da u Babu Kular Khongjirem, Secretary, Ka Shlem jingïarap ïa kiba duk u Rupang. Mobile no.8258911103.
