Shillong, Jymmang: U Superintendent of Police ka EKHD, Shillong, da kane u pyntip ba ha ka 18.12.2021 ha ka por kumba 9 baje mynstep ki pulit ki la lap ïa kawei ka metïap jong uwei u rangbah bym lah ban ithuh uba la don kumba 35 haduh 40 snem rta kaba thiah lyngktar ha ka jaka khlaw hajan Aunty Wine Shop ha Polo Shillong, bad hadien ba la leh ïa ki jingdonkam baroh la pynkynriah noh ïa kane ka met shapoh ka jaka buh metïap jong ka Civil Hospital, Shillong na ka bynta ka jingpynithuh bad ka jingwan shimti, hynrei tad haduh mynta ym pat shym la don ba wan kam satia.Kumta la kyntu ïa kiba haïing hasem bad kiwei pat kiba don jingïadei bad une u briew ba la khlad noh ba kin sngewbha ban phone mardor sha kine ki nombor na ka bynta ban wan shimti ïa kane ka metïap da kaba ki lah ban phone sha kine ki nombor : O/C Sadar PS 0364-2224818 /2224400, I/C Police Control Room, Shillong, 0364-2222214 / 2222215.
Kumjuh u SP ka District u pyntip ba ha ka 24.02.2022 ha ka por kumba 6:30 janmiet, ki pulit ki la lapdien ïa ka metïap jong uwei u nongtrei bylla uba kyrteng u Mahindra Dev Barman 49 snem rta ka ba la thiah lyngktar hapoh ka ïingsah jong u kaba u sah marwei ha ka kamram kaba rit hapoh ka phyllaw jong ka quarter ka BSNL, Lower Rynjah, Shillong. Hadien ba la leh ïa kaba donkam bad ïa ka post mortem la pynkynriah noh ïa ka met sha ka jaka buh metïap jong ka Civil Hospital, Shillong na ka bynta ka jingpynithuh bad ka jingwan kam da kiba haïing hasem, hynrei haduh mynta ym pat shym la don satia ki ban wan kam ïa kane ka metïap.Kumta la kyntu ïa kiba haïing hasem bad kiwei pat kiba don jingïadei bad une u briew ba kin phone sha kine ki nombor na ka bynta ka jingwan shimti ïa ka met. O/C Rynjah PS 0364-2230402, I/C Police Control Room, Shillong: 0364-2222214 / 2222215.
Ha kawei pat ka bynta u Additional Director of Health Services (SS), Civil Hospital, Shillong, da kane u pyntip ba ka don kawei ka metïap jong uwei u rangbah bym lah ban ithuh uba la don 38 snem rta uba la shah sumar hapoh ICU ha ka 11.05.2023 ha ka por 11:36 am bad uba la khlad noh ha kane ka juh ka sngi ha ka por 1:00 pm.Kumta la kyntu ïa kiba haïing hasem bad kiwei pat kiba don jingiadei bad une u rangbah ba kin wan shimti noh mardor ïa kane ka met kaba don hapoh ka jaka buh metïap jong kane ka hospital naduh ba la pynmih ïa kane ka jingpynbna hashwa ban aiti noh ïa kane ka metïap sha ki bor ba dei khmih jong ka Shillong Municipal Board ban leh ïa kaba donkam.
