Nongpoh, Nohprah 01: U Deputy Commissioner jong ka Ri-Bhoi District u Abhilash Baranwal u la pynshai paidbah ba kam don kano kano ka jingïakynad kaba mih ha ka thaiñ Patorkuchi hajan Basistha kaba don ha khappud jong ka jylla Meghalaya bad Assam kumba la pynmih ha kawei na ki kot khubor jong ka jylla Assam ‘The Assam Tribune’ ha ka 27 tarik, Naiwieng kaba thoh “Tension along inter-state boundary areas in Kamrup (M).”
Ki bor synshar jong ka Ri-Bhoi District ki la pyrshang ban pynlong ïa ka jingtohkit bad ban peit pyrman halor ka khubor hamsaïa hynrei la shem ba ka dei tang ka khubor ba la pynmih khlem nongrim bad kaba ïalam bakla khamtam katei ka jaka ka dei kaba don jingma bad ba ju mih ruh ki jingkynad na ka por sha ka por.
Ki bor synshar district ki la bthah ruh ïa baroh ki lad pathai khubor ban kiar na kaba thoh bad pynphriang ïa ki khubor ki bym thikna bad kiba ïalam bakla ïa ki paidbah bad kaba lah ban wanrah ki jingkajia ha ka thaiñ khappud.
