Jowai, Risaw 18: Ka jingïalehkai jong ka lympung kaba la tip kum ka ‘12th Chatister Kharkongor Memorial Trophy’ ha ka kyrdan First Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long ha ka sngi Thohdieng (18 tarik u Risaw, 2024) ha madan Kiang Nangbah Stadium, Jowai.
Ka jingïalehkai ha kane ka sngi ka la long hapdeng ka Moosalyngkat pyrshah ïa ka Mooknor Thadmuthlong, ha kaba ka Moosalyngkat ka la jop da 5-1 kol.
U Iakhroo Laloo jong ka Moosalyngkat u la ïoh ban pynkhihjar haduh 2 kol haka minit ba 8 bad 64, katba u Obram Sumer (17minit), u Edius L Laloo (29minit) bad u Victory Phawa (88minit) ki la ïoh ban thep mar kawei.
U Phermiki Suchiang u la ïoh ban pynphai shi kol na bynta ka Thadmuthlong haka minit ba 81 jong ka kylla miet.
