Wiang ding ki runar ïa ka trok ka Kompeni ba pyntrei ïa ka surok Nongstoiñ-Wahkaji

Mawkyrwat, Risaw, 25: Ka Synjuk ki Nongsynshar Shnong (SNS) jong ka thaiñ Rangblang South West Khasi Hills District ha ryngkat ki paidbah bad ki Volunteer Shnong, ki Sengbhalang bapher bapher ki dap da ka jingsngewdiaw mynsiem bad ha kajuh ka por ki pynrem jur ïa ki runar kiba la shimkabu da kaba ki la thang dusmon ïa kawei ka trok jong kawei ka kompani kaba pyntrei ïa ka Surok na Nongstoin – Wahkaji.
Ha u kyrwoh lyngba ka jingpyntip na ki rangbah shnong jong katei ka thaiñ Rangblang, South West Khasi Hills District la ong ba kane ka la jia la antad ka dei ha ka step jong ka 23 tarik u Risaw, 2022 ha ka por kumba 2 baje ei ei mynstep.
Namarkata, na ka liang jong ka Synjuk ki Rangbah Shnong ha ryngkat ki Volunteer Shnong ki pynrem jur ïa kane namar ba ha ka jaka ba kine ki kompani shna surok kin pyndep noh kloi ïa ka surok hynrei lyngba ka jinglehdusmon ne ka jingshah thang ïa kane ka kali kan sa don ka jingthud bad suki noh ha ki rukom pyntrei ïa kane ka surok ym ba ka ktah ïa ka company hynrei wat ïa ka ïaid ka ïeng jong ki paidbah jong ka dong ka thaiñ namar kane ka surok ka dei shisha ka jingmyntoi bad u budlum ïa kiba bun balang.