Wer u EE ka PWD Mawkyrwat Division ïa ki dkhot ka VWSC ban tyngkai ïa ki tyllong um

>> La rakhe ïa ka World Water Day ha SWKH >> Dei ban pynshitom ïa kiba thang khlaw

0

Mawkyrwat, Lber, 22: Ka ophis jong u Executive Engineer PHE Cum Member Secretary DWSM, Jal Jeevan Mission South West Khasi Hills District ka la pynlong ïa ka Exhibition halor ka phang “Ban wanrah sted ïa ki jingkylla” lyngba ka jingpyntreikam sted bad ban pynurlong ïa ka jingthmu jong ka Jal Jeevan Mission ban pynpoi um ha manla ki thliew iing hapoh u snem 2024 kaba long kum shi bynta jong ka jingrakhe ïa ka World Water Day 2023.
Ïa kane ka prokram la pynlong ha Hall jong u Executive Engineer, PHE ha kaba u Bah S. Najiar uba long u Executive Engineer ka tnat PHE Mawkyrwat u la long u kongsan.
Haba kren ha ka jingïalang u Bah S Najiar u la ong ba la rakhe ïa kane ka sngi ha kylleng ka pyrthei na ka bynta ban pynsngewthuh ïa ki briew halor ka jingdonkam jong ka umbam umdih bad kumno ban peit ba ka umbam umdih kaba ngi pyndonkam kan long kaba khuid bad kaba lait na ki khniang jingpang.
U la khot bad wer ïa ki dkhot jong ka Village Water Sanitation Committee (VWSC) na ka bynta ban pynsngewthuh ha ki shaphang ka jingkordor bad kumno ban nang ban sumar, ban tyngkai bad ban pynneh pynsah ïa ki tyllong umbam umdih bad ban peit ïa ka jinglong jingman jong ka um kaba ki pyndonkam ban dih ka dei ban long kaba khuid bad kaba la test na ka por sha ka por khnang ba kan ym wanrah ki jingjia ba sngewsih bad ban ym mih ki jingkynthoh kiba ïadei bad ka tnat.
U la kyntu ïa ki ban peitngor bad ban sumar ïa ki tyllong um bad ban ujor sha ophis lada don kino kino ki jingujor kiba ïadei bad ka jinglong jingman jong ka um khnang ba ka um kan long kaba bit ban pyndonkam namar ka um kaba ngi pyndonkam man ka sngi na ka bynta ban shet ban tiew,ban sait ban khlieng,ban sum ban sait bad kiwei kiwei ka dei ban long kaba khuid khnang ban lait na ki jingpang kiba har rukom.ha klajuh ka por u la kyntu ïa ki ban rah lem ïa kane ka khubor sha kiwei khnang ba kan long ka jingmyntoi ïa ki.
U SDO jong ka tnat PHE Mawkyrwat Division u Bah K Nongbsaw u la ong ba kane ka dei ka sngi kaba kyrpang bad la sdang ban rakhe nyngkong eh ïa kane ka sngi ha u snem 1993 da ka jingthmu ban pynsngewthuh ïa ki briew halor ka jingkordor jong ka umbam umdih bad kumno ban pynneh pynsah bad ban tyngkai ïa ki tyllong um.
U la ban ruh ba tang kumba 2.5 percent na ka um kaba don ha pyrthei ka long kaba bit ban pyndonkam.
Shuh shuh u la ong ba ka jingrakhe ïa kane ka sngi halor ka phang pdeng “Ban kham pyntrei kam sted “ka don ka jingïadei kaba jan bad ka thong jong ka Jal Jeevan Mission (JJM) na ka bynta ban pyntreikam stet bad ban wanrah ïa ki jingkylla lyngba kane ka skhim ban pynpoi um ha manla ki thliew iing bad ban pynurlong ïa ka jingthmu bad ka thong hapoh u snem 2024.
U la wer ïa ki dkhot jong ka Village Water Sanitation Committees ban ai ka jingïatreilang na ka bynta ban pyndep ïa kane ka skhim hapoh ka por ba la buh bad u la kyntu ïa ki briew ban sumar bad ban peit ba kan ym don ka jingpynjulor bad ka jingpynsniewdur ïa ka mariang da kaba kiar na kaba thang dusmon ïa ki khlaw ki btap bad ban shim kam ne leh eiei lada lap ïa kiba kum kita namar kiba kum kita ki jingle bymsuidniew kin ktah ïa ka mariang bad lada ngim lah ban shim khia kan wanrah ka jingduhnong ïa ngi namar ka thma kaba khraw kaba ap ïa ngi ha ki snem ki ban wan kan dei ka thma ha kaba ïadei bad ki umbam umdih.
Ha kane ka sngi la sam ïa ki khusnam sha ki nongjop ha ka jingïakop thoh Essay & Drawing bad ha ka ïakop mareh Marathon.

Leave A Reply

Your email address will not be published.