Jowai, Lber 27: Ka West Jaintia District Badminton Association (WJDBA) Jowai, kan sa pynlong ïa ka 18th Inter School Badminton Championship 2025, ka ban sdang naduh ka 8 tarik April 2025 haduh ka 11 tarik April 2025.
Ïa kane ka jingïalehkai yn pynïakhun naduh 9 baje mynstep haduh ka por 5 baje janmied, ha Kiang Nangbah Indoor Hall Stadium. Ki kyrdan ïalehkai ki long ka under 13yrs-15yrs-17yrs single bad double, na ka bynta ki kynthei bad shynrang. Ka Association ka khot bad wer ïa ki School ba don hapoh ka West Jaiñtia Hills District ba kin wan ban ïashim bynta sha kane ka lympung ïalehkai Badminton.
Ka tarik bakhatduh ban pynpoi ïa ki kyrteng kan long ha ka 4-4-2025 hapoh ka por 4:30 janmied. Dei ban submit lang bad ka birthday certificate lane Aadhar card jong ki khynnah ba ïashim bynta.
Ki players ki lah ban shim bynta tang ar tylli, kata kawei ka single bad kawei ka Doubles.
Ïa ki jingtip ba kham bniah lah ban phone ha u ma T.Laloo phone number 9366115391 lane ha u ma H. Bareh phone number 9436115084.
