Shillong, Lber 27: Ka Mawshbuit Boxing Club (MBC) ha ryngkat ka jingïatrei lang bad ka Boxing Association of East Khasi Hills District (BAEKHD), kan pynlong ïa ka Mawshbuit Invitational Boxing Competition 2025 ha ka 04 haduh 05 tarik u Ïaiong, 2025.
Ïa kane ka jingïakob yn pynlong ha madan ïalehkai phutbol jong ka Dong Nongpdeng, Mawshbuit naduh ka por 2 baje nohphai sngi. Shuh shuh, ïa kane ka jingïakob, la pynlong ryngkat ka jingïarap na ka District Sports Promotion Society, ïa ki jingïakhun yn pynlong ha ka kyrdan Sub Junior, Junior bad Senior kynthei bad shynrang.
Kane ka long kat kum ka kyrwoh ba la phah da President Bah Teibor Kharkongor bad General Secretary Bah Wanpynkhraw Nongkhlaw.
