Shillong, Nailur 1: Hadien ba ka jinglong jingman ka shongsuk shongsaiñ ka la wanphai pat sha Shillong bad ki nongjngohkai ki la sdang ban wan biang sha kane ka nongbah hadien ka jingjia kam thombor ha ka 19 tarik Nailar kiba jia ha ki kynta ïaid rally thuk thu ka KSU, ia ki bor pahara CAPF bad RAF la weng noh , ong u Deputy Commissioner ka EKH Abhilash Baranwal ha ka sngi Ba-ar.
U Baranwal u pyntip “Ka Sorkar ka la weng noh ïa ki bor pahara Central Armed Police Force (CAPF) bad ka Rapid Action Force (RAF), kiba la buh ban pahara hadien ki jingjia thombor”.
“Naba ki jingïakren ki dang ïaid bad ka seng (KSU) bad ka seng ka la weng noh ïa ka jingïakhih ïa mynta, Nga ngeit ba ka jinglong jai jai kala wan phai pat. Ki nongjngohkai ki la sdang wan biang sha kane ka sor bad ka district” ong u DC.
U pyntip ba ki hotel booking ruh ki la kiew biang hynrei kin dang shim por ban kynjoh ïa u pud kumba ju long hashuwa kane ka jingjia ha ka 19 tarik Nailar.
Haba kylli halor ki case thymmai bala pynngat ïa ki nongïalam ka KSU, u Baranwal ula ong ba u Superintendent of Police un lah ban jubab ïa kane.
