Shillong, Jymmang, 09: Ka Laban Bengalee Boys Higher Secondary School, Shillong ka la long ka skul ka ban ïoh knieh ïa ka kyrdan kaba nyngkong eh ha ka thup Top Ten jong ka Higher Secondary School Leaving Certificate (HSSLC) Science bad Commerce Stream, 2023 ba la pynbna da ka Meghalaya Board of School Education ha ka sngi Baar.
Ha ka Science Stream, u Arnab Dutta uba la ïoh bat ïa ka kyrdan kaba nyngkong da kaba ïoh 483 mark bad ïoh distinction ha ka sobjek English, Computer Sciences, Physics, Chemistry bad ka Mathematics, katba ha ka Commerce Stream u Rishab Purkayastha u la ïoh bat ïa ka kyrdan kaba nyngkong da kaba ïoh khur 484 mark bad ïoh distinction ha ka sobjek English, Mathematics, Bussiness Studies, Entrepreneurship, Accountancy bad Economics.
Kane ka skul ka la ïoh knieh ruh ïa ka kyrdan kaba saw ha ka Science Stream lyngba u Subam Das uba la ïoh 467 marks bad ïoh distinction ha ka sobjek English, Computer Sciences, Physics, Chemistry bad Mathematics.
Katba ha ka Commerce Streams u Akshat Das u la poi ha ka kyrdan kaba saw da kaba ïoh 459 marks bad ïoh distinction ha ka sobjek English, Mathematics, Bussiness Studies, Accountancy, Entrepreneurship bad Economics.
Ka St. Anthonys Higher Secondary School, Shillong ka la ïoh ban khur hynñiew tylli ki kyrdan ha ka thup Top Ten ha ka Science bad Commerce.
Ha ka Science Stream kane ka skul ka la ïoh bat ïa ka kyrdan kaba lai lyngba ka Eshita Bhattacharjee kaba la ïoh khur 469 marks, ha ka kyrdan kaba san lyngba ka Soumitra Jha kaba la ïoh khur 460 marks, ha ka kyrdan kaba hynniew lyngba ka Sargam Datta bad u Sharmin Khongsit kiba la ïoh khur mar 454 marks, ha ka kyrdan kaba phra lyngba u Sangam Paul uba la ïoh khur 453 marks, ha ka kyrdan kaba khyndai lyngba u Biswadeep Nath uba la ïoh khur 450 marks bad ka Samjanai Synnah kaba la ïoh khur 446 marks.
Ha ka Commerce Stream, kane ka skul ka la ïoh bat ïa ka kyrdan kaba ar lyngba u Akshat Poddar uba la ïoh khur 478 marks, ha ka kyrdan kaba ar lyngba ka Satakshi Das bad ka Sneha Paul kiba la ïoh khur mar 463 marks, ha ka kyrdan kaba san lyngba u Deepak Sethia uba la ïoh khur 454 marks, ha ka kyrdan kaba hynriew lyngba u Nengneiching uba la ïoh khur 453 marks, ha ka kyrdan kaba 7 lyngba ka Phibalamlynti Marwein kaba la ïoh khur 451 marks bad ha ka kyrdan kaba khyndai lyngba u Kashish Sharma uba la ïoh khur 448.
Ka St. Edmund’s Higher Secondary School, Shillong ka long ka skul ban ïoh knieh ïa ka kyrdan kaba ar ha ka thup Top Ten jong ka Science Stream bad ha ka kyrdan kaba khyndai ha ka Commerce Stream.
Ha ka Science Stream, ka Steffi Niza Snaitang ka poi ha ka kyrdan kaba ar da kaba khur 477 marks bad ïoh distinction ha ka sobjek English, Mathematics, Physic, Chemistry, Biology bad Alternative English, katba ha ka Commerce Stream u Eleazer Lytep u la ïoh khur 448 marks bad ïoh distinction ha ka sobjek Economics, Accountancy, Bussiness Studies bad ha ka sobjek Entrepreneurship.
Nalor kine, kiwei pat ki skul kiba la rung ha ka kyrdan Top Ten ha ka Science Stream ki long ka RK Mission Higher Secondary School, Cherrapunjee lyngba u Rahul Das uba la poi ha ka kyrdan kaba hynriew uba la ïoh khur 458 marks bad ïoh distinction ha ka sobjek English, Biology, Physics, Chemistry, Mathematics bad Alternative English.
Katba ha ka Commerce Stream u Nangkhraw Laloo na ka Mawsynram Border Area Higher Secondary School, Mawrynram u la poi ha ka kyrdan kaba phra da kaba ïoh khur 449 marks bad ïoh distinction ha ka sobjek English, Khasi, Economics, Bussiness Studies bad Accountancy.
