Shillong, Jymmang 13 : Ka BSF Senior Secondary School sa shisien pat ka la wanrah biang ïa ka burom da kaba pass bha ha ka result Class XII AISSCE 2022-23 da ka jinglah ban pass haduh 97.7 persen na ki 349 ngut ki samla ba iakhun.
Katkum ka kyrwoh la ong ba ha ka Science stream u Priyangshu Bhattacharya u la ïoh ban haduh 98persen bud sa ka Sukuni Suchiyang bad ka Neeha Phukan da 94 persen bad 91.6 persen. Ha kajuh ka por la don 120 ngut ki samla pule kiba ïakhun ha ka Arts stream bad ka jingpass ka la poi 98.3 persen ha kaba ka Ramanpreet Kaur ka la ïoh ha ka kyrdan 1st Position da kaba ïoh 94persen bad ka Amelia Mawthoh bad Sneha Sutradhar da 93 bad 89.2 persen.
Ha ka Commerce pat ki don 57 ngut ki samla kiba ïakhun ha katei ka eksam bad ka jingpass ka long 96.5 persen ha kaba u Pranjal Bhattacharjee u la wan ha ka 1st position da ki 92.8 persen bad ka Bidisa Gowary ka ïoh 90.6 persen. Kumta na ka liang u Chairman jong ka skul u Pradip Kumar IPS, IG BSF Meghalaya bad kumjuh na ka Principal ka Abha Sharma ki la ai ka jingkitbok bad ka jingïaroh ïa ki samla kiba la pass bha bad wanrah ka burom ïa ka skul.
