Nongstoiñ, Naitung 1: Ka Khasi Students Union KSU Misei area unit hapoh ka jingïalam jong I Samla Sarphosly Rongrin kum u President bad ki dkhot, ryngkat ka jingsynran lang ki nongïalam jong ka KSU West Khasi Hills District Unit, ka la ïoh ban leit ïakynduh ïa u Deputy Commissioner jong West Khasi Hills District halor ka jingoh dor bad sam duna ïa u khaw Ration bad pynduh khaw ration ruh ïa ki katto katne ki card holder jong ka Nongmisei Fair price shop Centre.
Related Posts
Ka seng ka la ïoh ban ïakren bad ban buh ka dorkhas hakhmat u DC ban shimkhia bad ban phah lyngba ka Magisterial Inquiry. Na ka liang jong u DC u la kular hakhmat ki nongïalam ka seng ban shimkhia bad ban phah lyngba ka inquiry.
Hadien ba la dep ban ïakynduh ïa u DC na ka liang u Samla Sarphosly Rongrin, u la ong ba ka seng ka la ïoh ka jingujor na ki nongbam khaw jong ka Nongmisei. Kumta ki la dawa na u DC ban phah lyngba ka magisterial inquiry ban lap ïa ki jingshisha, jingduna katkum ka hok jong ki nongbam khaw.