Jowai, Nailur 25: Ka Dorbar Shnong Panaliar, Jowai kala ujor sha u DC ka West Jaiñtia Hills District halor ka jingthmu pynlong jingïakop khwai Fishing Competition ka Jaiñtia Fishing & Environmental Protection Association (JFEPA), hapoh u pud u sam jong ka Shnong.
Ha kane ka jingujor la kdew ba ka JFEPA ka la pynkheiñ ïa ki kyndon jong ka shnong ha ki sngi kiba la dep bad halor kane na ka liang ka Dorbar Shnong Panaliar kala rai ban nym ai bor ban pynlong ïa kane ka jingïakop khwai kaba la buh ban long ha kane ka 28.09.2024, ha ki jaka ba hap hapoh u pud u sam jong ka Shnong Panaliar na ka daw ba dang don ka Case hapdeng ka JFEPA bad DS Panaliar.Kum ban pynkynmaw ha u snem 2023, ka DS Panaliar kala ai syndon da ka FIR pyrshah ïa ka Jaiñtia Fishing & Environmental Protection Association, haduh ba u DC ula hap ban pynsangeh ban pynlong ïa ka jingïakop ha ki jaka ba dang hap hapoh ka Shnong Panaliar.
