Nongpoh, Nailur 25: Namar ka jinglap ba don ki dukan kiba dang die sikret bad kiwei ki jait duma sha ki khynnah kiba dang rit hajan ki jaka pule, kaba pynkheiñ ia ka Section 6 jong ka Cigarettes and Other Tobacco Products Act, 2023 (COTPA), kaba la kdew shai ba kino kino ki dukan kim dei ban die ïa ki jait duma sha ki khynnah kiba hapoh 18 snem ka rta, bad ruh kim dei ban die hapoh 100 meter naki jaka pule, u Deputy Commissioner ka Ri-Bhoi District, u Abhilash Baranwal, u la pynmih ka jingmaham ïa baroh ki dukan ba kim dei ban die ïa kino kino ki jait duma sha ki khynnah rit kumjuh ruh hajan ki jaaka pule.
U la bthah ruh ïa baroh ki dukan kiba die duma ba kin thoh shai ha ki jingthoh jong ki haki dukan ba la khang pyrshah ban die ïa ki jait duma sha ki khynnah kiba hapoh 18 snem ka rta, bad ka dei ka kam pynkheiñ aiñ.
Kino kino kiba pynkheiñ ïa kine ki kyndon kin ngat ha ki jingpynsajia katkum ka aiñ
