Shillong, Iaiong 03: Uwei na ki nongshong shnong ka nongbah Shillong u la phah ka jingujor ba ha ka 12 tarik u bnai Lber, uwei uba kyrteng u Rajendra Yadav, u la byrngem ïa ka kurim jong u bad ïa ka ïing ka sem jong u lyngba ka phone.
Shuh shuh ka khubor na ki pulit ka ïathuh ba u Paominhao Kipgen u la phah ka jingujor ba ha ka nohphai sngi jong ka 27 tarik mynta u bnai, ki runar bym lah ban ithuh ki la prong hapoh ka ïing jong u kaba ha Lumbasuk Nongthymmai, Shillong bad ki la tuh ïa artylli ki laptop, kawei ka mobile phone, kawei ka speaker, uwei u air pod bad kawei ka power bank.
