U VP ka MEPA u dei u nongthoh khubor ba la rim tam um dei u mynder

0

Shillong, Rymphang 4 : Ka Shillong Press Club (SPC) bad ka Meghalaya Editors’ & Publisher Association (MEPA) ha ka jingïakynduh lang mynta ka Sngi Ba-ar ha Shillong Press Club ka la shim khia bha halor ka jingpynsaphriang ha ki social media da ka VPP Youth Wing kaba khot ïa kata ka jingïaid paidbah da ki thuk thuk ha ka 6 tarik Rymphang ban pynpaw ka jingpyrshah jur ïa ka jingdawa panmap ka SPC bad MEPA khamtam ka jingkynthoh ba uwei uba ïasoi lang ïa ka shithi u dei u mynder. Ka jingdawa panmap ka dei na u President ka VPP u bah Ardent Basaiawmoit uba la shu kynnoh khlem nongrim ïa ki artylli ki channel ka Batesi TV bad t7 ba ki dei ki channel ba pynmih ïa ki khubor khlem nongrim.
Ka SPC bad MEPA ki kwah ban pynshai ba u Vice President ka MEPA u Rajib Choudhury u dei uba la kha la pynsan pynrangbah ha kane ka nongbah, u dei uba la trei palat 30 snem ha ka kam thoh khubor u dei u dkhot ba la rim bha hapoh ka MEPA bad SPC u soi ïa ka shithi kum u Vice President ka MEPA kaba la jied ïa u da ka election ym kum u riew shimet. Nalor kata la pynpaw ruh ka jingpyrshah jur ïa ka jingkynnoh mynder (foreigner) ïa u namar u dei u trai shnong bad u nong India paka. “ Phi dei ban tip ba ki Nongthoh khubor ha Meghalaya kim don kata ka jingsngewïapher jaidbynriew ne ïapeit poh iwei ïa iwei ngi ïalong kawei bad ngi ïatrei kum kita ki paia ba saw jong ka Riti Synshar paidbah da ka jingïalong tylli. Kumta ka long kaei kaba ym lah ban pdiang ban kynnoh ïa une u para nongthoh khubor kum u mynder namar u dei ruh uba la ithuh bad ïoh ia ka jingithuh ba pura kum u nongthoh khubor na ka Directorate of Information and Public Relation.Kumta ban kynnoh ba u long u mynder kam long kaba dei lait noh sa tang lada ka VPP kum ka party ka ñiew ne kheiñ ïa baroh ki nong India ba sah ha Meghalaya kum ki mynder”.
Kum ki nongthoh khubor kiba aiti lut ban pynmih ïaki khubor kat kum ki kyndon jingpruid dak kin ïai thoh ïa ki jingshisha khlem kano kano ka jingsheptieng bad khlem kano kano ka jingnoh shilliang ne kyrshan ïa kano kano ka party.

Leave A Reply

Your email address will not be published.