U ma Pala kum u Myntri Rangbah ka jylla lada wan ka Congress ha ka bor ong ki heh Congress

0

Shillong, Rymphang 20 : U Nongïalam ka Congress Gaurav Gogoi ula ong ba lada ka Congress ka wan haka bor, u MP ka Shillong ma Vincent Pala u dei uban shimti kum u Myntri Rangbah ka jylla Meghalaya.
U Gogoi ula ong, kat kum ka jingsngew ka jong u shimet khamtam haba ula ithuh bad ïohi ïa ka rukom treikam jong u Bah Pala kum u Myntri Khynnah ka sorkar Pdeng, u shem ba u long u nongïalam uba biang bha ban ïalam ïaka jylla kum u Myntri Rangbah lada ka Congress ka wan ha ka bor.
Ula pynshai ruh ba katei ka jingkren ka jong u ka dei ka jingsngew shimet bad kam dei satia ba ka seng Congress kala rai ba u Bah Pala un long u Myntri Rangbah ka jylla lada ka Congress ka wan ha ka bor.
“Ka seng Congress kan ieh beit ha ki nongthawaiñ ki jongka ban jied ïa u nongïalam ban shimti ïaka shuki Myntri Rangbah lada ka Congress ka wan haka bor haka jylla Meghalaya” la pynshai u Gogoi haba ïakren bad ki nongpathai khubor.

Leave A Reply

Your email address will not be published.