Wah placard ka HANM ha kiba bun ki jaka ban pynsngew ïa kiba bun ki mat jingdawa sha ka sorkar

Shillong, Naiwieng 07: Ka seng Hynñiewtrep Achik National Movement ka la wah ïa ki placard ha kylleng kane ka nongbah Shillong, ha ïing sah u Myntri Rangbah ka jylla ban pynsngew halor ki saw tylli ki mat jingdawa kiba kaba ka seng ka la dawa.
Ki saw tylli ki mat jingdawa ki long ba ka sorkar jylla ka dei ban shimkhia ban pynïoh ïa ka Inner Line Permit, ban pynbeit ïa u pud u sam bad jylla Assam ban pynrung ïa ka ktien Khasi ha ka khyrnit kaba phra bad ban weng ïa ki briew kiba sah ha them Ïew Mawlong.
Haba kren sha ki lad pathai khubor hadien ba la dep ban wah ïa ki placard ha kylleng ki jaka kane ka nongbah Shillong u Bah Felso Jarian President ka seng ba dei ïa ka East Khasi Hills District u la ong ba kane ka jingwah placard ka long ban pynpaw ïa ka jingpyrshah ïa ka sorkar halor kitei ki mat jingdawa.
Haba phai sha ka ILP ula ong ba ka ïing dorbar ha u snem 2019 ka la shim ïa ka rai ban pyntreikam ha kane ka jylla bad ki sngewthuh ba kane ka aiñ ka long ban ïada ïa ki rit ha kane ka Ri India, la ong lada ka jylla Arunachal Pradesh, ka Nagaland bad Mizoram ki ïoh balei pat ïa ka jylla Meghalaya.
Haba ïadei bad kane ka seng kan nym shong kli kti kan dang ïai bteng ïa ka jingdawa bad ka la wan arsien ruh sha Delhi ban ïakhih halor kane ka bynta ha ki placard la thoh ba ka seng kam pyrshah ïa ki kam pynroi hynrei ai shuwa ïa ka ILP sa shna ïa ka lynti rel.