Shillong, Naitung 13: U Dr. Snehadrinarayan Khatua, uba dei u Associate Professor ha ka tnad Chemistry ha North-Eastern Hill University (NEHU), u la shah jied ha ka bynta bakhraw jong ka Chemical Research Society of India (CRSI) Bronze Medal na ka bynta u snem 2027. Kane ka jingpynkup burom ka long kawei na ka jingithuh ka Ri India ïa ki stad saïantis, ha kaba la pdiang ïa u kum u nongnoh synniang bakhraw ha kane ka bynta.
Kane ka jingai khusnam ka rakhe ïa ki kam ba thymmai jong u Dr. Khatua ha ki bynta bapher bapher jong ka saïan bad kiwei kiwei. La seng ha u snem 1999, ka CRSI ka dei ka kynhun ba tbit kaba hakhmat eh ha ri kaba aiti ha ka jingjanai ha ka jingwad bniah. Ka ‘Bronze Medal’ ba man u snem, la pynkup burom ïa ki stad saïan samla kiba tbit, kiba ka jingwad bniah ba nyngkong jong ki kala kyntiew shikatdei ïa ka saiñ saïan.
U Dr. Khatua, ba pyndep ïa ka jingpule jong na IIT Kharagpur (Ph.D., 2007), u don ïa ka sap wad bniah jong u ha baroh ka pyrthei ha kaba kham mynshuwa u la trei kum u BK 21 Fellow ha KAIST, South Korea.
Kum ka jingtip, u la ïoh ïa ka khusnam Alexander von Humboldt Fellowship kaba dei ka khusnam bakhraw ba la ithuh ha kylleng ka pyrthei na ka bynta ban kyrshan ïa ki nongwad bniah kiba ha khlieh bad wad bniah ha Universität Siegen, Germany.
Ha ka por ba u bat iaka kam, u la trei hapoh ka jinghikai jong u nonghikai ba tbit ba la pawnam, u Prof. Michael Schmittel, kaba long ruh ka jingshemkaba la pynkylla bad pynbeit thik ïa ka lynti jong ka jingwad bniah jong u.
Naduh ba u ïasoh bad ka NEHU, u Dr. Khatua u la tei ïa ka prokram wad bniah kaba phylla bad itynnad bad ba la ithuh ha kylleng ka pyrthei. La ithuh ïa u lyngba ki kam jong u kiba kynthup haduh 73 tylli ki jingthoh wad bniah ha ki journal pyllait pyrthei ba pawnam tam bad lai tylli ki dulir jong ka South Korean.
Halor ka jingwad bniah jong u, u Dr. Khatua u long uwei na ki nonghikai ba minot na ka bynta ki nongpule ha ka kyrdan PhD bad ha ka postgraduate, u nongkren ba man ka por ha ki jingïalang ha India bad shabar ka Ri India bad uba aiti met bad mynsiem ïalade ha ka pynïaid kam ha ka liang ka pule puthi, ha kaba mynta u trei kum u University SWAYAM Coordinator ha NEHU.
Kane ka jingithuh ri baroh ïa u Dr. Khatua ka pyni shai ïa ka jingpawnam kaba nang kiew jong ki stad wad bniah kiba mih na ka NEHU bad ka thaiñ shatei lam mihngi, kaba pynskhem shuh shuh ïa ka jingkut jingmut ka jaka pule ban kyntiew ïa ka jinglong ba kynsai ha ka jingwad bniah saïan.
