U Bah Dhanderly u nongsumar dawai kynbat uba lah ban pynkoit ïa ka jingpang bampong

0

Mawkyrwat, Risaw, 12: U bah Dhanderly Myrthong na ka Shnong Umdeiñ Mawshynrut Constituency, West Khasi Hills District u ba dei uwei u nongtrei kam sorkar u ba la shongthait hynrei ba u dang ïai bteng pat ha kiwei ki bynta ban shakri ïa ki paidbah lyngba da ka jingaidawa kynbat ne dawai khasi, katkum ka jingïathuh jong u kane ka jia hadien ba ki briew ki la ïoh shibun ki jingpynkhiah na ki jingpang ba bunjait kum ka bampong, pangshini, thai-roit, pang-py, ñiang-sohot bad wat ban sumar ïa kiba don jingduna ha ka khlieh bad ki jingpang mynsaw na ki jingjia ne accident bad kiwei de ki jingpang ha kaba ki briew ki la ïoh ka jingkoid lyngba da ka jingdih dawai na une u Rangbah.
Katkum ka jingïathuh jong u, kaba pynlong ïa u ban un long kum u nongaidawai dei hadien ba u la ïoh ïa ka jingpang ïa lade haduh ba un da ring swai, kumta ha kawei ka sngi u la phohsniew don ba pasiaw ha u ba u batai shaphang kita ki dawai kynbat ban ïoh ka jingkoid na kata ka jingpang kaba la ban ha u. Hadienkata, u la pyrshang ban bam bad dih ïa kita ki dawai kynbat, u la ïoh jingkhiah shisha. La ong ruh ba katba nangmih ki sngi ki por u nang lap shuh shuh sa ïa kiwei pat ki kynja dawai khlaw kiba lah ban pynkoid wat ïa ki jingpang bam pong ne sancer, thynroit, pang shini, pang-py, pang ñiang-sohot bad kiwei ki de, ha kaba kane ka la long shisha ka lad jingpynkhiah ïa kito ki briew kiba la mat ïa ki jingpang kiba eh.
Shuh shuh katkum ka jingïathuh jong u, nyngkong u ai dawai tang ha ïing kata ha Shnong Umdeiñ hynrei namar ba bun ki nongpang na ka thaiñ Mawkyrwat, Nongjri, na East Khasi, na Jowai, u la rai ban buh dukan noh ha Mawkyrwat kata tang ha ki sngi ïew Mawkyrwat hynrei ha kiwei pat ki sngi u don beit ha shnong ha Umdeiñ.
Haba bud-dien ban pynshisha na ki nongpang kiba la ïoh jingkoid na u bah Dhanderly Myrthong, kine ki briew ki la pynpaw ka jingsngewnguh kaba khraw namar ha ka jaka ba kin pynlut ka pisa tyngka ha ki jaka sumar ha kylleng ka jylla Meghalaya bad shabar ruh ka lah ban long tang ka jingpynsep ei ïa ka por bad ka pisa hynrei lada dih dawai tang na u bah Dhandarly Myrthong ki la ïoh jingkhiah kaba biang watla ki la leit ha ki jaka sumar ne ki hospital bapher bapher ha ka jylla Meghalaya.
Halor kane, na ka liang u bah Dhanderly Myrthong u la pynpaw ka jingsngewnguh nyngkong ïa U Trai Nongbuh Nongthaw ba U la ai ïa ka sap kaba kyrpang ïa u bad lyngba kane ka kam u kwah ban shakri ym tang na ka bynta ka jingmyntoi ïa lade shimet hynrei kaba kongsan ka long ban ai ka jingshakri ïa u duk u suk uba ïoh mat ïa shibun ki jingpang kiba ymdon lad shuh da kiwei pat ki lad ki lynti. Kumta u buh ka jingkyrpad ïa ki paidbah ba ai ba kin shim ïa ka lad ka kabu katba dang biang ka por ym ba ynda la dier ka por, ïoh ba ym lah shuh ban pynkoid ïa kita ki jingpang. Ha kajuh ka por u la ai ruh ka jingkhublei ïa ka shnong Mawkyrwat ba ki la ai jingbit ïa u ban buh ïa ka jaka sumar hapoh jong ka shnong ka ban sa long kawei ka lad ban ai ka jingshakri na ka bynta ki paidbah kiba donkam ka jingïarap ha ka liang ka koit ka khiah.
U la pyntip ruh lada don kino kino ki briew kiba kwah ban ïa kynduh ïa u ki la ban phun ha u 6009704503 lane ïa kynduh markhmat bad u ha Mawkyrwat tang ha ka sngi ïew Mawkyrwat kaba u buh ïa ka jaka ai jingsumar hajan bad ka Police Stations Mawkyrwat.

Leave A Reply

Your email address will not be published.