U-20 Men’s National Football C’ship: Khyrwit hat trik u Deibormame na bynta ka Meghalaya ban pynliem ïa ka Rajasthan

Shillong, ïaïong 29: Ka hat-trick na u Deibormame Tongper ka la ïarap ïa ka Meghalaya ban pynliem ïa ka Rajasthan da 4-0 kol ha kawei na ki jingïalehkai na ka Group A jong ka lympung ‘Swami Vivekananda U-20 Men’s National Football Championship 2025’ ha Narainpur, Chhattisgarh ha ka sngi Ba-ar.
U Deibormame u la thep ïa kine ki lai kol ha ka 50, 54 bad 74 minit, ha kaba kaba khatduh la thep lyngba ka penalty.
U Riborlang L Lyngkhoi u la pynkhih ïa ka kol ba nyngkong na bynta ka Meghalaya ba la ïalam da u Bobby L Nongbet, ha ka minit kaba 39 jong ka kylla step shuwa ba u Deibormame un pynbud ïa ki lai kaba la pynthikna ïa ka Jylla ban khur ïa ka jingjop.
Ka Meghalaya kan pynkhreh sa ïa ka jingïakhun pyrshah ïa ka Kerala la sngi Saitjaiñ ban wan. Tang ka kynhun kaba ha wan ha khlieh duh na kawei pa kawei na ki 8 tylli ki Group kin ïoh rung sha ka Quarterfinal.