New Delhi, Nailar 26: Ka National Council of Education and Research Training (NCERT) ka la ai jingmut ban kheiñ lang ïa ki Mark jong ki Khynnah ba ïaleh eksam Class XII naduh Class IX, Class X haaduh Class XI ha ka por ba ai ïa ka result.
Katkum ka khubor ba la mih mynta ka sngi ha ki National News Portal, la ong ba kane ka jingshim ïa ki mrak jong ki eksam naduh Class IX haduh Class XI kan kham ban ha kaba ïadei bad ka Vocational bad Skill Education.
Ka NCERT ka ong ba kane ka rukom ka long ban pynïaryntih ïa ka rukom hikai bad ai result ïa ki Khynnah Skul ha baroh kawei ka ri India.
“Kane ka rukom kan ïarap shibun ban pynïaryntih ïa ki eksam bad ki result ha baroh kawei ka ri India bad kan ïarap ruh ban kyntiew ïa ka pule puthi ha ka ri”, la ong ka Kyrwoh ba ka NCERT.
Katkum ka jingai jingmut kane ka bor ba peit ïa ki syllabus ha ka ri India, la ong ba ka jingkheiñ ïa ki mark na ka eksam Class IX kan long 15 percent, na ka Class X kan long 20 percent bad na ka Class XI kan long 25 percent.
Kane ka jingtyrwa ka NCERT ka long hadien ka jingïaphylliew jingmut ba 32 tylli ki Board of School na kylleng kylleng ki jaka jong ka ri India, ha kaba la rai ruh ba ka Vocational bad ka Skill Based Subject kidei ban long mandatory ne kidei ban long kiba donkam ban hap shim beit ym long ieh.
Nalorkata lyngba kane ka rukom treikam yn bishar ne evaluate ïa ka jingtreikam ki nonghikai bad ki skul ruh kumjuh.
