Shillong, Naitung 21: Ka Sony Entertainment Television kaba la pawnam bha ha ka jingpynïakob shad ‘Reality Show’ kaba la tip kyrteng kum ka India’s Best Dancer, ka la wanphai biang da ka samoi kaba saw ha kane ka por kaba mynta.
Kane ka aïom ka la sdang da ka jingshad kaba itynnad bha jong u Steve Jyrwa uba dang 17 snem ka rta na Shillong, Meghalaya, uba la pynkyndit bad pynïap mat ïa ki nongbishar da ki jingshad hip-hop ba itynnad na ka jingrwai jong ka “I Hate Luv Stories.”
Kaei kaba la pynlong ïa kane ka por kaba kham kyrpang shuh shuh ka long ba ka mei ieid jong u Steve, kaba u don ka jingïadei kaba jan bha bad u, ka la ïoh ban peit ïa ka jingshad jong u lyngba ka video call.
Kane ka aïom ba thymmai ka la pyni nyngkong ha ka 13 tarik Naitung ha ka por 8:00 baje mynmied, ha kaba la don ka kynhun bishar ba la pynthymmai kaba kynthup ïa ka Karisma Kapoor, ka aktres ba pawnam jong ka Bollywood, ha ryngkat ki nongbishar ba la tbit bha kynthup ïa ka Geeta Kapur bad u Terence Lewis.
