SHILLONG, Jymmang 14: Ka long ka khubor kaba pynsngewsarong ïa ka Jylla Meghalaya baroh kawei hadien ba ki nongïakhun kti shynrang bad kynthei kiba la mihkhmat ïa ka ri India ki la lah ban tyngshaiñ bha ha ka rynsan ïakop ïakhun kti (arm wrestling) kaba la tip da ka 23rd Asian Armwrestling & 22nd Asian Para Armwrestling Championship 2025 kaba la pynkut dang shen ha nongbah Delhi, India.
Ha katei ka Championship na ka liang jong ka Meghalaya Armwrestling Association [MAWA] ka la phah ïa ki 28 ngut ki nongïakhun-kti (arm wrestler) shynrang bad kynthei ka jylla Meghalaya kiba la shah jied ban mihkhmat ïa ka ri ha kane ka lympung ïakhun kti bar ri (International Championship) jong ka dewbah Asia bad ki la lah ban wanrah ïa ka nam bad ka burom da kaba khur haduh 43 tylli ki takma, ba kynthup ïa 12 tylli ki takma ksiar, 12 tylli ki takma rupa bad 19 tylli ki takma rnong.
Ka kynhun ka kynthup ïa 28 ngut ki nongïalehkai na ki kyrdan bapher bapher kiba kynthup ïa 10 ngut ki nongïalehkai ba don jingduna ha ki dkhot met lane Para athlete (3 ngut juniors & 8 ngut senior), 4 ngut master, 2 ngut ha ka Grandmasters, iwei ha ka junior, 5 ha ka kyrdan youth bad 6 ngut ha ka seniors, nalor kine ki nongïalehkai la phah ruh ïa 3 ngut ki referee bad 2 ngut ki official.
Na ka liang jong ka MAWA ka sngew sarong ruh ban pynbna ba na ki 24 tylli ki takma ksiar ba la khur da ka kynhun ki nongïakhun kti ka ri India, 12 tylli ki takma ksiar la khur da ki nongïalehkai na Meghalaya.
Kaba pynsngewtynnat shuh shuh ka long ba kawei na ki dkhot nongkitkam jong ka MAWA, ka Kong Sumita Kshiar ka la shah jied ban don bynta bad ka Governing Body Member jong ka Peoples Armwrestling Federation India (PAFI), kaba dei ka synjuk ïalehkai armwrestling ha ri India. Ka kong Sumita Kshiar ka dei ruh ka Referee armwrestling kynthei ba nyngkong eh na Meghalaya ban ïoh ïa ka kyrdan kum ka Asian International Armwrestling Referee.
Nalor i Sumita Kshiar ki don sa arngut kiwei pat ki referee na Meghalaya ban rung sha ka kyrdan Asian level Armwrestling Referee, kata u Nick Nonglyer bad ka Angel Mary M. Umlong.
Ki kyrteng jong ki nongïalehkai ka Jylla kiba la khur takma ki long:
1. Aisilda Thabah: 2 tylli ksiar (Left & Right Hand – HI Standing Women 60 Kg), nangta kawei (1) ka Rupa bad kawei ka rnong ha ka – Right Hand – HI Junior Girls Open Category bad Left Hand – HI Junior Girls Open Category.
2. Alexander Lyngdoh: Kawei ka Rupa bad Rnong ha ka – Left & Right Hand – HI Standing Men 80 Kg.
3. Banshanlang Terang: 2 tylli Rupa (Left & Right – PIU Standing Men 60 Kg)
4. Graham Jones Kharnarbi: 2 tylli Rnong (Left & Right – CPD Sitting Men 55 Kg)
5. Hubert Paliar: 2 tylli Ksiar (Left & Right – HI Standing Men 60 Kg)
6. Noveniusroiki Dkhar: Kawei ka Rnong (Right Hand – HI Junior Boys 65 Kg) nangta 2 tylli Rnong (Left & Right – HI Standing Men 70 Kg)
7. Prisca Pyngrope: 2 tylli Ksiar (Para Sitting Women 65 Kg)
8. Shanborlang Siangshai: 2 tylli Rupa (Left & Right – HI Standing Men 70 Kg)
9. Sinitylutmon Kympat: 2 tylli Ksiar (Left & Right – HI Standing Women 70 Kg) bad 2 tylli Rupa (Left & Right Hand – Master Women 60 Kg)
10. Angel Mary Mylliem Umlong Khunsyiem: 2 tylli Rupa (Left & Right Hand – Master Women 60 Kg)
11. Margaret Pathaw: 2 Tylli Ksiar (Left & Right Hand – Master Women 60 Kg)
12. Melinda Mawlong: 2 tylli Rnong (Left & Right Hand – Master Women 60 Kg)
13.Alexshonroy Mylliem Umlong: Kawei ka Rupa (Right Hand – Master Men 80 Kg)
14. Mihsngewbha Rymbai: 2 tylli Ksiar (Left & Right Hand – Grandmaster Women – Open Category)
15. Starina Jasain: 2 tylli Rupa (Left & Right Hand – Grandmaster Women – Open Category)
16. Banrihun Lyngdoh: 2 tylli Rnong (Left & Right Hand – Junior Girls 55 Kg)
17. Anisha Jyrwa: Kawei (1) ka Rnong (Left Hand – Youth Girls 50 Kg)
18. Jeffrey Kharmawlong: 2 tylli Rnong (Left & Right Hand – Youth Boys +110 Kg)
19. Airikmenlang Shabong: Kawei (1) ka Rnong (Left Hand – Senior Women 50 Kg)
20. Wandalin Syiemiong: Kawei (1) ka Rnong (Left Hand – Senior Women 60 Kg) bad kawei ka Rupa (Right Hand – Senior Women 60 Kg)
21. Alan Sun Marbaniang: Kawei (1) ka Rnong (Left Hand – Senior Men 90 Kg)
22. Aiboklang Paul Wanniang: Kawei (1) ka Rnong (Right Hand – Senior Men 55 Kg)
23. Senebi Syngkli: Kawei (1) ka Rnong (Right Hand – Senior Women 55 Kg)