Shillong, Jylliew 16: Ka khubor ba la ïoh na ki pulit la ïathuh ba u Bah Yiangki Kharthangmaw u la phah ka jingujor ba ha ka 13 tarik mynta u bnai, ki runar bym lah ban ithuh ki la tuh ka thuk thuk jong u kaba don u nombar ML-05AC-8037 napoh ka jaka sah jong u kaba ha Langkyrding, Shyiap, Shillong.
Ha kawei pat ka jingjia u Bah Alerick Kharjana u la phah ka jingujor ba ha ka 12 tarik mynta u bnai ha ka por kumba 9 baje mynstep, ki runar bym lah ban ithuh ki la tuh ka scooter jong u kaba don u nombar ML-05T-1101 najan jaka sah jong u kaba ha Lumdiengsoh, Laitumkhrah, Shillong.
Shuh shuh na ka liang ki pulit ki la ïathuh ba u Bah Lambha Kupar u la phah ka jingujor ba ha ka 14 tarik mynta u bnai, ki runar bym lah ban ithuh ki la tuh ka thuk thuk jong u kaba don u nombar ML-05AB-2291 najan ka ïingsah jong u kaba ha shnong Nongmensong Umkdait, Shillong.
