Jowai, Nailar 30: Ka Lumkynsaw SC bad Namdong A Christian Club ki la jop ïa la ki jong ki jingïalehkai jong ka lympung (L) Joybell Suiam Memorial Football League 2026 Second Division bala pynïaid da ka Thadlaskieñ Sport Association kaba la long ha ka sngi Saitjaiñ (29 tarik u Nailar, 2026) ha madan Wahiajer Multi Sports Complex Stadium.
Ka Lumkynsaw SC kala jop da 4-2 kol ïaka Mukhla Veterans, katba ka Namdong A Christian Club kala jop da tang 1-0 kol ïaka Myntoilang FC Bamkamar.
Haba phai sha ka jingïakhun kaba nyngkong, ka Lumkynsaw ka la hap ban wanphai na ka shi kol hadien ba Mukhla Veterans ka la pynkhihjar nyngkong ha ka minit kaba 13 lyngba u Armystar Pale, shuwa ba kan lamkhmat ïa ka kylla step na ki kol jong u Armanmiki Lamare (38’) bad u Chanbor Pala (44’).
U Hame Suting (47 & 70’) u la thep ar tylli ki kol na ka bynta ka Lumkynsaw ban pynskhem ïa ka jingjop, katba ka Mukhla Veterans ka la ïoh ba kan pynphai biang kawei na u Armystar Pale (51’).
Haka jingïakhun kaba ar, ka shi kol jong u Wanpor Myria haka minit ba 5 jong ka kylla step ka la paw ba ka la biang ïa ka Namdong A Christian Club ba kan pynliem ïaka Myntoilang FC Bamkamar.
La pyntip ka jingïakhun ha kane ka sngi Nyngkong 31/08/2026 haka por 10 baje mynstep ka Mukhla Mission pyrshah ïaka Lummuriap SC, ha ka por 12 baje mynsngi ka Maitchaphrang SC pyrshah ïaka Rising Sun Kdiap SC. Katba haka por 2 baje nohphai sngi ka Mukhla Wahchnong pyrshah ïaka Laru SC.
